სამხრეთ კორეამ ციფრული ნომადებისთვის სავიზო პირობები გაამარტივა
სამხრეთ კორეამ ციფრული ნომადებისთვის სავიზო პირობები გაამარტივა. კერძოდ, ქვეყანამ F-1-D ტიპის ვიზების გაცემა დაიწყო, რომელსაც უფრო ნაკლები მოთხოვნები აქვს, ვიდრე საპილოტე პერიოდში ჰქონდა.
სამხრეთ კორეის F-1-D ვიზა, ასევე ცნობილი როგორც „სამუშაო ვიზა", ოფიციალურად ხელმისაწვდომი 30 ივნისს გახდა. ის საშუალებას აძლევს უცხოურ კომპანიებში დასაქმებულ უცხოელებს, იცხოვრონ კორეაში დისტანციურად მუშაობის პარალელურად, განსხვავებით სამუშაო ვიზისგან, რომელიც მოითხოვს კორეელ დამსაქმებელთან დასაქმებას.
ახალი ვიზა საპილოტე პროგრამის შემდეგ ამოქმედდა, რომელიც 2024 წლის იანვრიდან მიმდინარე წლის მაისამდე მიმდინარეობდა. საპილოტე პროგრამის ფარგლებში, განმცხადებლებს, როგორც წესი, მოეთხოვებოდათ ერთ სულ მოსახლეზე კორეის წინა წლის მთლიანი ეროვნული შემოსავლის მინიმუმ ორჯერ მეტის გამომუშავება. თუმცა, ახალი წესების თანახმად, შემოსავლის უფრო დაბალი ზღვარი მოქმედებს ისეთი ფაქტორების მიხედვით, როგორიცაა ასაკი და გეგმავენ თუ არა განმცხადებლები სეულის მიღმა და ისეთ რეგიონებში ცხოვრებას, სადაც მოსახლეობის რაოდენობა მცირდება.
გარდა ამისა, ახალი სავიზო პირობების მიხედვით, მაქსიმალური ყოფნის ვადა ორი წლიდან სამ წლამდე გაიზარდა.
„ციფრული ნომადების ვიზა მიზნად ისახავს მთელი მსოფლიოდან შემოქმედებითი ნიჭის მქონე პირთათვის სამხრეთ კორეის გაცნობის შესაძლებლობების გაფართოებას“, - განაცხადა იუსტიციის მინისტრმა ჯუნგ სუნგ-ჰომ.
BM.GE
წყარო: bm.ge