Samsung-ის თანამშრომლებმა ბონუსების ახალი შეთანხმება დაამტკიცეს

Samsung Electronics-ის ხელმძღვანელობამ პროფკავშირებთან ბონუსების გაცემაზე ახალ შეთანხმებას მიაღწია. არსებული ინფორმაციით, ამ ნაბიჯმა ტექნოლოგიურმა კონგლომერატმა თანამშრომლების მიერ დაგეგმილი 18-დღიანი მასშტაბური გაფიცვა თავიდან აიცილა. აღსანიშნი ფაქტია, რომ კენჭისყრაში მონაწილე 62 616 თანამშრომლიდან მხარი დასახელებულ გადაწყვეტილებას 74%-მა დაუჭირა.

ახალი პირობებით, ჩიპების წარმოების მიმართულებით მომუშავე ყველა თანამშრომელი ფულად ბონუსს მიიღებს, რომელიც მათი წლიური ხელფასის 50%-ს გაუტოლდება. ამასთან, კომპანია სპეციალური ბონუსებისთვის ჩიპების მიმართულების საოპერაციო მოგების 10.5%-ს გამოყოფს. ეს ფონდი თანამშრომლებზე აქციების სახით განაწილდება.

ხუთთვიანი მწვავე დავის შემდეგ მიღწეულმა შეთანხმებამ სამხრეთ კორეაში კრიზისის რისკები მკვეთრად შეამცირა. როგორც ცნობილია, დასახელებულ კომპანიაზე ქვეყნის მთლიანი ექსპორტის დაახლოებით მეოთხედი მოდის, შესაბამისად, მისი ერთი დღით შეჩერებაც კი მილიარდამდე ზარალის მოტანის საფრთხეს ქმნიდა.

ცნობისთვის, Samsung Electronics-ი მეხსიერების ბარათების უმსხვილესი გლობალური მწარმოებელია. ის სამხრეთ კორეის ეკონომიკის უმნიშვნელოვანეს საყრდენს შეადგენს.