საქართველო-კენიის ეკონომიკური ურთიერთობები - როგორია სტატისტიკა და რა პოტენციალზე ისაუბრეს კობახიძემ და რუტომ?

ირაკლი კობახიძე კენიის რესპუბლიკის პრეზიდენტს, უილიამ რუტოს შეხვდა. მთავრობის ადმინისტრაციის პრესსამსახურის ინფორმაციით, შეხვედრაზე მხარეებმა ეკონომიკური თანამშრომლობის პერსპექტივები და უსაფრთხოების საკითხები განიხილეს.

ოფიციალური ინფორმაციით, საუბარი შეეხო საქართველოს გეოგრაფიულ მდებარეობასა და ქვეყანაში არსებულ ბიზნესგარემოს. ირაკლი კობახიძემ კენიის პრეზიდენტთან ქვეყნის ეკონომიკური ზრდის დინამიკაზე ისაუბრა და ყურადღება გაამახვილა იმ შესაძლებლობებზე, რომლებსაც საქართველო ინვესტორებს სთავაზობს მრავალმილიონიან ბაზრებზე წვდომის თვალსაზრისით.

bm.ge გთავაზობთ სავაჭო-ეკონომიკურ კავშირებს ორ ქვეყანას შორის

ვაჭრობა

გასულ წელს საქართველოსა და კენიას შორის სავაჭრო ბრუნვა 4.09 მლნ აშშ დოლარამდე 135.8%-ით გაიზარდა. აქედან იმპორტმა 2.3 მლნ აშშ დოლარი შეადგინა 77.7% ზრდით, ექსპორტმა კი 1.7 მლნ აშშ დოლარი. ზრდა 327.2%-ია.

გასულ წელს საქართველოდან კენიაში გაყიდული TOP-5 სასაქონლო ჯგუფი შემდეგია:

• სამკურნალო საშუალებები დაფასოებული — 798.6 ათასი აშშ დოლარი; • ციანიდები, ოქსიდციანიდები, კომპლექსური ციანიდები — 735.2 ათასი აშშ დოლარი; • სამაგიდო ან ოთახის თამაშობანი — 113.1 ათასი აშშ დოლარი; • ტკბილი გაზიანი სასმელები — 56.6 ათასი აშშ დოლარი; • ხილისა და ბოსტნეულის წვენები — 23.1 ათასი აშშ დოლარი.

საქართველოში კენიიდან იმპორტირებული TOP-5 სასაქონლო ჯგუფი შემდეგია:

• მოჭრილი ყვავილები და კოკრები — 1.6 მლნ აშშ დოლარი; • ჩაი, არომატიზებული ან არაარომატიზებული — 553.3 ათასი აშშ დოლარი; • ცვილები მცენარეული — 105.3 ათასი აშშ დოლარი; • საფრენი აპარატების ნაწილები — 7.8 ათასი აშშ დოლარი; • მოწყობილობები თხევად კრისტალებზე — 4.7 ათასი აშშ დოლარი.