საქართველოდან უცხო ქვეყნის 101 მოქალაქე გააძევეს – შსს
საქართველოდან უცხო ქვეყნის 101 მოქალაქე გააძევეს. აღნიშნულის შესახებ ინფორმაციას საქართველოს შინაგან საქმეთა სამინისტრო ავრცელებს.
უწყების ცნობით, გაძევებულთა შორის არიან თურქმენეთის, ინდოეთის, ერაყის, აზერბაიჯანის, რუსეთის, უზბეკეთის, ნიგერიის, ბანგლადეშის, იორდანიის, კენიის, სუდანის, ბელორუსის, უგანდის, ნეპალის, პაკისტანის, ფილიპინების, ყირგიზეთის, ზიმბაბვეს, ლიბანის და სხვა სახელმწიფოების მოქალაქეები – ჯამში 101 პირი.
შინაგან საქმეთა სამინისტროს ინფორმაციით, მიმდინარე წლის პირველი ოთხი თვის მონაცემებით, მიგრაციის დეპარტამენტმა თითქმის იმავე რაოდენობის არალეგალი უცხოელი გააძევა ქვეყნიდან, რაც მთლიანად გასული წლის განმავლობაში იყო დაფიქსირებული.
უწყება ასევე აღნიშნავს, რომ 2025 წელს ჩატარებული ინტენსიური ღონისძიებების შედეგად საქართველოდან ჯამში 1 311 უცხო ქვეყნის მოქალაქე გააძევეს. მოქმედი კანონმდებლობის შესაბამისად, გაძევებულ პირებს საქართველოს ტერიტორიაზე შემოსვლა აეკრძალათ.
BM.GE
წყარო: bm.ge