საქართველომ ავტოექსპორტი ირანში გაააქტიურა, სხვა ძირითად ბაზრებზე მკვეთრი ვარდნაა - TOP-10

2026 წლის პირველ 4 თვეში საქართველოს ავტოექსპორტის სექტორში მკვეთრი ვარდნა ფიქსირდება - ჯამურად ექსპორტირებულია 537 მილიონი დოლარის ღირებულების 20,994 ავტომობილი, რაც წინა წელთან შედარებით 29%-ით, ანუ 217 მილიონი დოლარით (8,492 ავტომობილით) ნაკლებია. კლების უმთავრესი მიზეზია ცენტრალური აზიის ბაზრებზე - ყირგიზეთში; ყაზახეთსა და აზერბაიჯანის ბაზრებზე ექსპორტის მკვეთრი შემცირება.

საქსტატის მიერ გამოქვეყნებული ანგარიშიდან ირკვევა, რომ ძირითად ბაზრებზე არსებული კლების პარალელურად, ექსპორტი გააქტიურდა ირანში, სადაც უკვე ორ თვეზე მეტია ომია. უფრო დეტალურად, თუკი 2025 წლის იანვარ-აპრილში ირანში მხოლოდ 1 ავტომობილის ექსპორტი დაფიქსირდა 40 ათასი დოლარის ოდენობით, 2026 წლის იანვარ-აპრილში ავტომობილების რიცხვმა 825-ს მიაღწია, ჯამურმა ღირებულებამ კი 14 მილიონ დოლარს.

ასევე ექსპორტი გაზრდილია ტაჯიკეთში 187%-ით, სადაც იანვარ-აპრილში 28 მილიონი დოლარის ღირებულების 1,732 ავტომობილის ექსპორტი განხორციელდა. მატებაა სომხეთის ბაზარზეც 56%-ის ოდენობით (25 მლნ დოლარი).

2026 წლის იანვარ-აპრილის ავტოექსპორტის შედეგები:

# ქვეყნები მლნ დოლარი ავტომობილების რაოდენობა ერთის საშუალო ფასი ექსპორტის ზრდა/კლება წინა წელთან შედარებით 1 ყირგიზეთი $262 6,420 $40.8 -36% 2 ყაზახეთი $124 7,875 $15.7 -44% 3 აზერბაიჯანი $50 1,458 $34.4 -37% 4 ტაჯიკეთი $28 1,732 $16.2 187% 5 სომხეთი $25 888 $27.7 56% 6 ირანი $14 825 $16.5 წინა წელს მხოლოდ 1 ავტომობილი იყო ექსპორტირებული 7 უზბეკეთი $13 641 $19.6 42% 8 არაბთა გაერთიანებული საამიროები $6 20 $294.2 261% 9 მოლდოვა $4 315 $13.6 293% 10 უკრაინა $3 334 $10.0 61%