საქართველოში 20 000-მდე არალეგალი მიგრანტია - ჩვენი ამოცანა ამ მაჩვენებლის ნულამდე დაყვანაა | პრემიერი
„საორიენტაციოდ არის 20 000-მდე არალეგალი მიგრანტების რაოდენობა ჩვენს ქვეყანაში. რა თქმა უნდა, ჩვენი ამოცანაა, რომ ნულამდე დავიყვანოთ ეს მაჩვენებელი", - განაცხადა ირაკლი კობახიძემ პარლამენტში მთავრობის წლიური ანგარიშის წარდგენისას.
მისი ინფორმაციით, ამერიკის შეერთებული შტატების სახელმწიფო დეპარტამენტის კვლევის თანახმად, საქართველო რჩება პირველ კალათაში ტრეფიკინგთან ბრძოლის კუთხით.
"განახლდა ინფრასტრუქტურა და მატერიალურ-ტექნიკური ბაზა შინაგან საქმეთა სამინისტროში. ავტოპარკი შეივსო 597 ახალი ავტოსატრანსპორტო საშუალებით. ჩვენს ოპონენტებს ჰგონიათ, რომ პოლიცია ურმით უნდა ებრძოდეს კრიმინალს, თუმცა ნუ ასე არ არის, საჭიროა, რა თქმა უნდა, მანქანების შეძენა. მიმდინარეობს 16 შენობის რეაბილიტაცია. კიდევ ერთხელ ვიტყვი, რომ კრიმინალთან ბრძოლის მიმართულებით გასული წლის განმავლობაში ჩვენ გვქონდა ხელშესახები და ფუნდამენტური შედეგები, რაც დაეტყო მთლიანად გარემოს ჩვენს ქვეყანაში“, - განაცხადა პრემიერ-მინისტრმა.
BM.GE
წყარო: bm.ge