"სარფის" საბაჟოდან 8 200 კგ პომიდორი ექსპორტიორ ქვეყანაში გააბრუნეს - შემოსავლების სამსახური
BM.GE|bm.ge
"სარფის" საბაჟოდან 8 200 კგ პომიდორი ექსპორტიორ ქვეყანაში გააბრუნეს - ინფორმაციას შემოსავლების სამსახური ავრცელებს.
"სარფის“ საბაჟო გამშვებ პუნქტზე, მებაჟე-ოფიცრებმა უცხო ქვეყნიდან შემოტანილი 8 200 კილოგრამი პომიდვრით დატვირთული ავტოსატრანსპორტო საშუალება შეაჩერეს.
სასაზღვრო-საკარანტინო კონტროლის პროცედურების ფარგლებში, პასუხისმგებელი ფიტოსანიტარის მიერ, საქონლის დათვალიერებისას, პომიდორზე საკარანტინო მავნე ორგანიზმისთვის დამახასიათებელი კვალი გამოვლინდა.
საქართველოს მთავრობის 2019 წლის 20 სექტემბრის №463 დადგენილების შესაბამისად, აღნიშნული საქონელი ექსპორტიორ ქვეყანაში გაბრუნებას დაექვემდებარა", - ნათქვამია უწყების გავრცელებულ ინფორმაციაში.
გაზიარება:
BM
BM.GE
წყარო: bm.ge