სპეციალური პენიტენციური სამსახურის უფროსად რამაზ თათარაშვილი დაინიშნა
ფორმულა|formulanews.ge
სპეციალური პენიტენციური სამსახურის უფროსად რამაზ თათარაშვილი დაინიშნა. ინფორმაციას „ფორმულას“ პენიტენციურ სამსახურში უდასტურებენ.
რამაზ თათარაშვილი ბოლოს შიდა ქართლის პოლიციის დეპარტამენტის დირექტორი იყო. მანამდე ის იმერეთისა და სამცხე-ჯავახეთის პოლიციის დეპარტამენტებსაც ხელმძღვანელობდა.
პენიტენციური სამსახურის ყოფილმა დირექტორმა, გიორგი პატარიძემ, თანამდებობა დღეს დატოვა. მან იუსტიციის მინისტრს გათავისუფლების თხოვნით მიმართა. მანამდე პროკურატურამ პატარიძისთვის უფლებამოსილების შეჩერების რეკომენდაცია გასცა.
საქმე გლდანის ციხეში დავით ფეიქრიშვილის სავარაუდო ცემის ფაქტს ეხება.
გაზიარება:
ფორმულა
წყარო: formulanews.ge