სასამართლომ ტრამპის ადმინისტრაციას საბიუჯეტო რეკლამების შეჩერება დაავალა

ნიუ-იორკის ფედერალურმა მოსამართლემ დონალდ ტრამპის ადმინისტრაციას გადასახადის გადამხდელთა თანხებით დაფინანსებული სატელევიზიო სარეკლამო კამპანიის დაუყოვნებლივ შეჩერება დაავალა.

როგორც ირკვევა, მოსამართლე ჯენიფერ როშონმა ორკვირიანი შემაკავებელი ორდერი ორგანიზაცია Common Cause-ისა და პარტნიორი გაერთიანებების სარჩელის საფუძველზე გამოსცა. სასამართლოს გადაწყვეტილებით, თეთრ სახლს სადავო ვიდეორგოლების შექმნა, საეთერო განთავსება და შესაბამისი კონტრაქტების გახანგრძლივება აეკრძალა.

მნიშვნელოვანია ითქვას, რომ აშშ-ის შიდა უსაფრთხოების დეპარტამენტმა ამ კამპანიისთვის ბიუჯეტიდან $20 მილიონი გამოყო. ინფორმაციისთვის, ეს მასალები შუალედური არჩევნების წინ პრეზიდენტის პოლიტიკური გზავნილების რეკლამირებას ისახავდა მიზნად. ვიდეორგოლებში ყურადღება გამახვილებული იყო კომუნიზმის საფრთხეებზე და გამოყენებული იყო წინა საარჩევნო კამპანიის კადრები, ასევე ვენესუელის ლიდერის, ნიკოლას მადუროს დაკავების ამსახველი ფოტო-მასალა.

მოსარჩელე მხარის წარმომადგენელი გაერთიანება Democracy Forward-ი მიიჩნევდა, რომ სახელმწიფო სახსრების წინასაარჩევნო მიზნებით გამოყენება ფედერალურ კანონმდებლობას უხეშად არღვევდა. სასამართლომ კი მათი ეს შეხედულება გაიზაირა.

აღსანიშნავია, რომ სახელმწიფო თანხების გამოყენებამ რესპუბლიკურ პარტიაშიც კი გამოიწვია მწვავე კრიტიკა. სენატის უმრავლესობის ლიდერმა ჯონ თუნმა განაცხადა, რომ რეკლამის საფასური ამომრჩეველთა გადასახადებით არ უნდა დაფარულიყო. მზარდი წინააღმდეგობის ფონზე კი დონალდ ტრამპმა პირობა დადო, რომ სამომავლო ხარჯებს საკუთარი საარჩევნო ფონდი დაფარავს.