სავაჭრო გემებზე თავდასხმების აღსაკვეთად NATO შავ ზღვაში დრონებსა და თვითმფრინავებს გზავნის
NATO შავ ზღვაში დამატებით საპატრულო თვითმფრინავებს, სარადარო სისტემებსა და დრონებს გაგზავნის. როგორც მედია წერს, ალიანსის ეს ნაბიჯი რეგიონში სავაჭრო გემებზე განხორციელებული თავდასხმების სერიას უკავშირდება.
საავიაციო ტექნიკის პარალელურად წევრი სახელმწიფოები ასაფეთქებელი ნივთიერებების შესწავლისთვის ადგილზე სადაზვერვო ჯგუფებსაც განათავსებენ.
შეხსენებისთვის, გასულ კვირას რუმინეთის სანაპიროსთან დრონები 2 ქიმიურ ტანკერს დაეჯახა, რის შედეგადაც 7 მეზღვაური დაიკარგა. პარალელურად, წინა 10 დღის განმავლობაში რუმინეთისა და ბულგარეთის სანაპიროებთან კიდევ 5 სატვირთო გემი დაიბომბა, რასაც 23 ადამიანის დაღუპვა მოჰყვა.
სამხედრო ანალიტიკოსების შეფასებით, ბოლო პერიოდში განხორციელებული თავდასხმები უკრაინაში მიმდინარე ომის ფონზე პირდაპირ რუსეთის მიერ არის ორგანიზებული. თავად ალიანსი ჯერჯერობით თავს იკავებს ოფიციალური ბრალდებებისგან, ხოლო მოსკოვი აღნიშნულ ინციდენტებზე პასუხისმგებლობას არ იღებს.
ცნობისთვის, შავ ზღვაზე გახშირებული თავდასხმები საფრთხეს უქმნის იმ სასიცოცხლოდ მნიშვნელოვან საზღვაო მარშრუტს, რომელსაც უკრაინასთან ერთად ევროპული სახელმწიფოებიც აქტიურად იყენებენ.
BM.GE
წყარო: bm.ge