შესაძლოა, ბავშვთა კვებაზე რეფერენტული ფასები დაწესდეს - „ფასების კომისიის“ რეკომენდაცია

სურსათზე ფასების ფორმირების შემსწავლელი ჯგუფი ხელისუფლებას რეკომენდაციით მიმართავს, განიხილოს ბავშვთა კვების პროდუქტებზე რეფერენტული ფასების დაწესების საკითხი. კომისიის თავმჯდომარის, შოთა ბერეკაშვილის განცხადებით, ფასების კლების მთავარი რესურსი მიწოდების ჯაჭვის ოპტიმიზაციასა და შესყიდვების ცენტრალიზაციაშია.

ბერეკაშვილის განმარტებით, ბავშვთა კვების სექტორში ფასის შესამცირებლად გადამწყვეტი მნიშვნელობა ექნება იმას, თუ რამდენად მოხერხდება შუამავალი რგოლების გვერდის ავლით პროდუქციის პირდაპირ მწარმოებლისგან შესყიდვა.

„რეფერენტულ ფასებზე იყო გაჟღერებული, რომ შეიძლება ბავშვთა კვებასაც შეეხოს, ესეც რეკომენდაციაა. ჩვენი რეკომენდაცია ბავშვთა კვებასთან მიმართებით არის ის, რომ აქ ძალიან მნიშვნელოვანია ჯაჭვის შემოკლება. მარტივად რომ ვთქვათ: თუ ქსელს აქვს შესაძლებლობა, პროდუქტი პირდაპირ მწარმოებლისგან შეიძინოს, ფასი დაბალი იქნება.

რეკომენდაცია არის ის, რომ ქსელებთან შეხვედრის დროს თავადაც გამოთქვეს სურვილი, რომ შესაძლებელია შესყიდვების ცენტრალიზაცია შეთანხმება და ერთობლივი შესყიდვა ბავშვთა კვებაზე, რაც შეამცირებს თვითღირებულებას და უკეთეს ფასს მოგვცემს“, - განაცხადა შოთა ბერეკაშვილმა კომისიის დასრულების შემდეგ მედიასთან.

მისივე თქმით, სავაჭრო ქსელები მზადყოფნას გამოთქვამენ, გადავიდნენ ერთობლივი შესყიდვების მოდელზე, რაც ბაზარზე კონკურენტუნარიანობასა და მომხმარებლისთვის უფრო ხელმისაწვდომი ფასის შეთავაზებას შეუწყობს ხელს.

დასკვნაში კი წერია, რომ ბავშვთა კვების პროდუქტების სეგმენტში განსხვავებული სურათია, სადაც მაღალი ფასების ერთ-ერთ ძირითად ფაქტორად რჩება იმპორტდამოკიდებულება და შედარებით უფრო გრძელი მიწოდების ჯაჭვი. ასეთ კატეგორიებში ფასზე დამატებით მოქმედებს საერთაშორისო ბრენდების პოზიციონირება, ტრანსპორტირების ხარჯები, მარაგების შენახვის სპეციფიკა და შედარებით მცირე ბაზარზე დაბალი ბრუნვის ეფექტი.

"ფასდაკლებები უფრო შეზღუდული და წერტილოვანია ბავშვთა კვების პროდუქტებში, რომელიც პარფარმაცევტული სეგმენტის მნიშვნელოვან ნაწილს წარმოადგენს და არ ექვემდებარება ფასობრივ რეგულირებას, რის შედეგადაც მისი ფასი სრულად ბაზრის მექანიზმებით ფორმირდება. აღნიშნული პროდუქციის მაღალი ფასები განპირობებულია რამდენიმე ფაქტორით: