შს მინისტრის მოადგილემ რექტორთა საბჭოს წევრებს უცხოელების უმაღლესში ჩარიცხვის საკანონმდებლო ცვლილებები წარუდგინა
შინაგან საქმეთა მინისტრის მოადგილე ალექსანდრე დარახველიძემ რექტორთა საბჭოს წევრებს საკანონმდებლო ცვლილებათა პაკეტი წარუდგინა.
შს სამინისტროს მიერ მომზადებული ახალი საკანონმდებლო ინიციატივის მიხედვით, უცხოელი სტუდენტების საქართველოს უმაღლეს საგანმანათლებლო დაწესებულებებში ჩარიცხვის წესი მკაცრდება, კანონპროექტი სასწავლო პროცესთან დაკავშირებულ საკითხებს მოიცავს.
კვოტები უცხოელ სტუდენტებზე, ჯარიმები უნივერსიტეტებს - მთავრობა უცხოელ სტუდენტთა მიღების წესებს ამკაცრებს | კანონპროექტი
განათლების სამინისტროს ინფორმაციით, რექტორთა საბჭო განათლების, მეცნიერებისა და ახალგაზრდობის მინისტრის გივი მიქანაძის ხელმძღვანელობით, თბილისის სახელმწიფო სამედიცინო უნივერსიტეტში გაიმართა, რომელშიც საქართველოს სახელმწიფო და კერძო უნივერსიტეტების რექტორები და წარმომადგენლები მონაწილეობდნენ.
"მონაწილეებმა ასევე განიხილეს უმაღლესი განათლების სისტემის რეფორმის ფარგლებში მიმდინარე პროცესები, შეაფასეს მიღწეული შედეგები და არსებული გამოწვევების გადაჭრის გზებზე იმსჯელეს.
შეხვედრა დისკუსიის ფორმატში წარიმართა და საბჭოს წევრებმა რიგ საკითხებთან დაკავშირებით ერთობლივი გადაწყვეტილებები მიიღეს", - ნათქვამია გავრცელებულ პრესრელიზში.
რექტორთა საბჭოში მონაწილეობა ასევე მიიღო საქართველოს განათლების, მეცნიერებისა და ახალგაზრდობის მინისტრის მოადგილე ზვიად გაბისონიამ.
BM.GE
წყარო: bm.ge