შსს-მ 42 მილიონი ლარის სამშენებლო სამუშაოებზე საიდუმლო შესყიდვა გამოაცხადა
საქართველოს შინაგან საქმეთა სამინისტრომ სახელმწიფო შესყიდვების სააგენტოს სისტემაში გამოაქვეყნა ოთხი ტენდერი სამშენებლო სამუშაოების შესყიდვასთან დაკავშირებით, რომელთა ჯამური ფასიც 42 მილიონ ლარს შეადგენს.
ტენდერების აღწერის თანახმად, პროექტები წარმოადგენს საიდუმლო კატეგორიის შესყიდვას და მასში მონაწილეობა აქვთ მხოლოდ იმ სამშენებლო მიმწოდებლებს, რომელთაც საიდუმლო კატეგორიის შესყიდვებზე მუშაობის სპეციალური უფლება გააჩნიათ.
"წინამდებარე შესყიდვის ელექტრონული პროცედურის დოკუმენტაცია შედგენილია „სახელმწიფო საიდუმლოების შესახებ“ საქართველოს კანონით განსაზღვრულ სახელმწიფო საიდუმლოებასთან დაკავშირებული სახელმწიფო შესყიდვების ობიექტების ნუსხისა და შესყიდვების განხორციელების წესის დამტკიცების თაობაზე საქართველოს მთავრობის 2016 წლის 11 ივლისის N321 დადგენილების საფუძველზე,"- ნათქვამია ტენდერის აღწერაში.
ტენდერებში კომპანიებს წინადადებების წარდგენა 17 ივლისის ჩათვლით შეეძლებათ.
BM.GE
წყარო: bm.ge