Alibaba-ს აქციები მკვეთრად დაეცა – რა არის მიზეზი?

ხელოვნურ ინტელექტში ინვესტიციების დასაფინანსებლად ჩინურმა Alibaba-მ ბირჟაზე დამატებით $10.2 მილიარდის ღირებულების აქციები განათავსა, რასაც ჰონგ-კონგის საფონდო ბირჟაზე კომპანიის შეფასების მკვეთრი, 10%-იანი ვარდნა მოჰყვა.

როგორც ირკვევა, ჩინურმა ტექნოლოგიურმა გიგანტმა, Alibaba-მ, არაამერიკელ ინვესტორებზე $10.2 მილიარდის საერთო ღირებულების 710 მილიონი ახალი აქცია გაყიდა. ტექნოლოგიური გიგანტის განცხადებით, მოზიდული თანხის 100% ხელოვნური ინტელექტის სრულყოფილ განვითარებასა და შესაბამისი ინფრასტრუქტურის გაფართოებას მოხმარდება.

კაპიტალის მოზიდვის ეს ნაბიჯი რამდენიმე დღეში მოჰყვა კომპანიის კვარტალურ ფინანსურ ანგარიშს, რომელშიც წმინდა მოგების 75%-იანი ვარდნა დაფიქსირდა. მოგების შემცირება სწორედ ხელოვნური ინტელექტის მიმართულებით კაპიტალური დანახარჯების 75%-იან ზრდას უკავშირდება.

ტექნოლოგიურმა გიგანტმა განაცხადა, რომ მომდევნო სამი წლის განმავლობაში Cloud-ტექნოლოგიებსა და ხელოვნური ინტელექტის ინფრასტრუქტურაში კომპანია ინვესტიციების მკვეთრ ზრდას აპირებს, რადგან თუ Alibaba ამას არ იზამს, მას კონკურენტები გადაასწრებენ და ის მომავალში ბაზრის მიღმა აღმოჩნდება.