შვეიცარია ადასტურებს, რომ აშშ-ირანის მოლაპარაკებები გადაიდო
შვეიცარიის საგარეო საქმეთა სამინისტროს განცხადებით, აშშ-ის, ირანის, კატარისა და პაკისტანის დაგეგმილი მოლაპარაკებები, რომლებიც დღეს შვეიცარიის კურორტ ბიურგენშტოკში უნდა გამართულიყო, გადაიდო.
"შვეიცარია კვლავ მზადაა, უზრუნველყოს ამ მოლაპარაკებების ჩატარება. ბიურგენშტოკში შესაბამისი მოსამზადებელი სამუშაოები გრძელდება," - ნათქვამია უწყების განცხადებაში.
შეერთებულ შტატებსა და ირანს შორის დროებითი სამშვიდობო შეთანხმების შესრულების თაობაზე პირველადი მოლაპარაკებები პარასკევს იყო დაგეგმილი.
ლიბანურმა მაუწყებელმა ხუთშაბათს წყაროებზე დაყრდნობით გაავრცელა ინფორმაცია, რომ ირანის დელეგაციამ შვეიცარიაში დაგეგმილი გამგზავრება ლიბანის წინააღმდეგ ისრაელის მიმდინარე აგრესიის გამო გააუქმა. ლიბანში მდგომარეობის გამწვავებამ (სადაც ავიაიერიშებს 18 ადამიანი ემსხვერპლა, ხოლო "ჰეზბოლას" მებრძოლებმა ისრაელის 4 ჯარისკაცი მოკლეს), შესაძლოა მძიმე გავლენა იქონიოს მოლაპარაკებებზე, რადგან იქ ბრძოლების დასრულება აშშ-ირანის უფრო ფართო შეთანხმების ერთ-ერთი პირობაა.
ხუთშაბათს თეთრმა სახლმა ასევე განაცხადა, რომ აშშ-ის ვიცე-პრეზიდენტ ჯეი-დი ვენსის ვიზიტი შვეიცარიაში ირანთან მოლაპარაკებებისთვის გადაიდო, რადგან მოლაპარაკებების გეგმები "ჯერ საბოლოოდ არ არის შეთანხმებული".
BM.GE
წყარო: bm.ge