რუსეთმა სომხეთიდან ელჩი "კონსულტაციებისთვის" გაიწვია
სომხეთში რუსეთის ელჩი, სერგეი კოპირკინი მოსკოვში კონსულტაციებისთვის გაიწვიეს - ამის შესახებ ინფორმაციას რუსეთის საგარეო საქმეთა სამინისტრო ავრცელებს.
უწყების განცხადებაში აღნიშნულია, რომ გადაწყვეტილება ევროკავშირთან დაახლოების მიზნით სომხეთის ხელმძღვანელობის მიერ გადადგმული ნაბიჯების ფონზე მიიღეს.
"სომხეთის რესპუბლიკაში რუსეთის ფედერაციის ელჩი, სერგეი კოპირკინი მოსკოვში კონსულტაციებისთვის გაიწვიეს. ეს უკავშირდება სომხეთის ხელმძღვანელობის მიერ ევროკავშირთან დაახლოებისკენ გადადგმულ ნაბიჯებს, რომლებიც ევრაზიული ეკონომიკური კავშირის ფარგლებში თანამშრომლობას აზიანებს", - ნათქვამია განცხადებაში.
აღსანიშნავია, რომ ოფიციალურმა მოსკოვმა ერევნის ევროპულ სტრუქტურებთან კავშირების გაფართოებისა და ბოლო პერიოდში დასავლეთთან დაახლოების გამო შეშფოთება არაერთხელ გამოთქვა.
BM.GE
წყარო: bm.ge