Space Force-მა SpaceX-ს $2.29 მილიარდის კონტრაქტი გაუფორმა
ამერიკულმა სახელმწიფო კომპანია Space Force-მა ილონ მასკის უმსხვილეს სტარტაპ SpaceX-ს უსაფრთხო, მაღალსიჩქარიანი თანამგზავრული კავშირგაბმულობის ქსელის შესაქმნელად $2.29-მილიარდიანი კონტრაქტი გაუფორმა.
არსებული ინფორმაციით, ეს ხელშეკრულება SF-ის სამხედრო სენსორებისა და იარაღის პლატფორმების გლობალურ ქსელში გაერთიანებას შეუწყობს ხელს. ცნობისთვის, ამერიკული კომპანიის მიერ შექმნილი, SDN Backbone-ის სახელით ცნობილი მდგრადი არქიტექტურა თავდაცვის უწყებისთვის გამოიყენება და ის მონაცემთა მაღალი გამტარობით გამოირჩევა. ამასთან, ის მინიმალური დაყოვნებით ინფორმაციის უსაფრთხო ტრანსპორტირებას უზრუნველყოფს.
საყურადღებოა, რომ პროცესში უშუალოდ ჩართულია პენტაგონიც, რომლის წარმომადგენლების განცხადებითაც, SpaceX-ი პროექტის ფარგლებში დაბალ ორბიტაზე თანამგზავრების ახალ თანავარსკვლავედს განათავსებს. გეგმის მიხედვით, მწარმოებელმა სრულად ფუნქციონირებადი პროტოტიპის დამზადება 2027 წლის ბოლომდე უნდა შეძლოს.
ახალი ქსელი სარაკეტო გაფრთხილებისა და სათვალთვალო სენსორებიდან მიღებული მონაცემების რეალურ დროში გადაცემას უზრუნველყოფს. ეს ტექნოლოგიურა დონალდ ტრამპის ადმინისტრაციის სარაკეტო თავდაცვის ინიციატივისთვის, „ოქროს გუმბათისთვის“, ფუნდამენტურ საფუძველს შექმნის.
BM.GE
წყარო: bm.ge