SpaceX-ი გლობალური კოსმოდრომების ქსელის მშენებლობისთვის ემზადება

ილონ მასკის კომპანია SpaceX-მა ამერიკის შეერთებულ შტატებსა და მის ფარგლებს გარეთ „კოსმოდრომების“ ასაშენებლად ლოკაციების შერჩევა დაიწყო. როგორც ირკვევა, მილიარდერის მიზანი Starship-ის რაკეტების გასაშვებად საჭირო ინფრასტრუქტურის გაფართოებაა.

აღსანიშნავია, რომ SpaceX-ის სტრატეგია ყოველწლიურად ათასობით Starship-ის გაშვებას ითვალისწინებს. ილონ მასკის განმარტებით, მომავალში კოსმოდრომები აეროპორტების მსგავსად იმუშავებენ და დღეში რამდენიმე ფრენას უზრუნველყოფენ. ცნობისთვის, აღნიშნულ მრავალჯერადი გამოყენების რაკეტებს 100 ტონაზე მეტი ტვირთის გადაზიდვა შეუძლიათ.

კოსმოსური ხომალდების გაშვებაზე გლობალური მოთხოვნა მნიშვნელოვნად გაიზარდა. არსებული სასტარტო მოედნების სიმცირე კი კომპანიას არ აძლევს საშუალებას, გააფართოოს თავისი მოქმედების არეალი.

აქვე უნდა ითქვას, რომ კომპანია მომდევნო სატესტო ფრენისთვისაც ემზადება. Starship-ის მე-12 გამოცდა 19 მაისს იგეგმება. SpaceX-ი მომავალ კვირას რაკეტის ქვედა ნაწილის, Super Heavy-ის ამაჩქარებლისა და Raptor-ის ძრავების ახალ ვერსიებს წარადგენს.

შეგახსენებთ, Starship-ი მსოფლიოში ყველაზე მძლავრი სარაკეტო სისტემაა. ის კოსმოსური ფრენების ხარჯების შემცირებისა და პლანეტათაშორისი მოგზაურობის მიზნით შეიქმნა.