SpaceX-ი Nvidia-ს ჩიპების შესაძენად $40 მილიარდის მოზიდვას გეგმავს

ილონ მასკის კომპანია SpaceX-მა Nvidia-ს ხელოვნური ინტელექტის ჩიპების შესაძენად $40 მილიარდის ოდენობის დაფინანსების მოზიდვის პროცესი დაიწყო.

არსებული ინფორმაციით, ამ თანხიდან კომპანია $10 მილიარდის საბანკო სესხების სახით, ხოლო $30 მილიარდის საინვესტიციო კატეგორიის სასესხო ვალდებულებებით მოზიდვას გეგმავს. Financial Times-ის ცნობით, მსხვილ ფინანსურ გარიგებას აქტივების მმართველი გიგანტი Apollo Global Management-ი უხელმძღვანელებს.

თავად Apollo Global Management-ი ვალის განთავსებას ინვესტორთა ფართო წრეში უზრუნველყოფს, ხოლო მოლაპარაკებებში ობლიგაციების მსხვილი ფონდი Pimco ჩაერთვება. აღსანიშნავია, რომ ტრანზაქციის საბოლოო დახურვა 2027 წელს იგეგმება.

ცნობისთვის, მასკს Nvidia-ს ჩიპები საკუთარი AI მოდელის, Grok-ის განვითარებისთვის სჭირდება. ამჟამად კომპანია საერთაშორისო რბოლას ჩამორჩება. მოწინავე პოზიციებს კი Google-ის Gemini 4, OpenAI-ს GPT 6 და Anthropic-ის Fable 5.5 იკავებენ.