SpaceX-ისა და Tesla-ს აქციების ნახტომი - ილონ მასკმა ქონება ერთ დღეში 31 მილიარდით გაზარდა

მიმდინარე კვირას პლანეტის უმდიდრესმა ბიზნესმენმა, ილონ მასკმა ტრილიონერის სტატუსი ოფიციალურად დაიბრუნა.

Bloomberg-ის მონაცემებით, მასკის პირადი კაპიტალის ზრდა საფონდო ბირჟაზე SpaceX-ისა და Tesla-ს წარმატებამ განაპირობა. კერძოდ, ერთ დღეში მისი ქონება $31 მილიარდით გაიზარდა. შედეგად, მან მნიშვნელოვნად გაუსწრო რეიტინგში მეორე ადგილზე მყოფ ლარი პეიჯს, რომლის კაპიტალიც $297 მილიარდს შეადგენს.

ბოლო სავაჭრო სესიაზე SpaceX-ის აქციები 7.6%-ით გაიზარდა და კომპანიის შეფასებამ $2.25 ტრილიონს მიაღწია; ხოლო Tesla-ს შემთხვევაში ზრდის მაჩვენებელი 2.2%-ია, კომპანიის შეფასება კი $1.49 ტრილიონს შეადგენს. მასკის კომპანების ბოლოდროინდელი აღმასვლა მოსალოდნელზე უკეთეს საოპერაციო შედეგებს და Nasdaq-ის ტექნოლოგიური ინდექსის რეკორდულ ზრდას უკავშირდება, რაც ინდექსში შემავალ კომპანიებს ზრდისკენ უბიძგებს.

შეგახსენებთ, რომ ილონ მასკი მსოფლიოში პირველი ტრილიონერი მიმდინარე წლის ივნისში გახდა. მაშინ ტექნოლოგიურმა მაგნატმა აღნიშნულ მაჩვენებელს Nasdaq-ის ბირჟაზე SpaceX-ის აქციების განთავსების შემდეგ მიაღწია. მიუხედავად ამისა, აქციების ფასის ვარდნის გამო მან სტატუსი მალევე დაკარგა, თუმცა ის ახლა ისევ რჩება პლანეტის ერთადერთ ტრილიონერად.

დღის ფოტო: 2006 წელი, გაკოტრების პირას მყოფი ილონ მასკი შესცქერის SpaceX-ის აფეთქებული რაკეტის ნამსხვრევებს.