სტიქიით დაზარალებული მოსახლეობისთვის 10 მუნიციპალიტეტს ₾3.3 მილიონზე მეტი გამოეყოფა

საქართველოს მთავრობის ახალი განკარგულებით, 2025 წლის თებერვალში მომხდარი სტიქიური მოვლენების შედეგად დაზარალებული მოსახლეობის დასახმარებლად (დაზიანებული ინდივიდუალური საცხოვრებელი სახლებისთვის) ფინანსთა სამინისტრომ მთავრობის სარეზერვო ფონდიდან 3 394 744 ლარი უნდა გამოყოს.

ცვლილება შევიდა მთავრობის 2026 წლის 24 აპრილის განკარგულებაში.

დოკუმენტის მიხედვით, აღნიშნული თანხა 10 მუნიციპალიტეტზე შემდეგნაირად გადანაწილდება:

• ოზურგეთის მუნიციპალიტეტი – 774 907 ლარი; • ხარაგაულის მუნიციპალიტეტი – 688 201 ლარი; • ჩოხატაურის მუნიციპალიტეტი – 720 393 ლარი; • ლანჩხუთის მუნიციპალიტეტი – 385 403 ლარი; • ვანის მუნიციპალიტეტი – 268 165 ლარი; • ბაღდათის მუნიციპალიტეტი – 198 505 ლარი; • აბაშის მუნიციპალიტეტი – 131 394 ლარი; • ზესტაფონის მუნიციპალიტეტი – 88 613 ლარი; • სენაკის მუნიციპალიტეტი – 86 024 ლარი; • ხობის მუნიციპალიტეტი – 53 139 ლარი.

გამოყოფილი ფინანსური რესურსი მიზნად ისახავს სტიქიის შედეგად დაზიანებული საცხოვრებელი სახლების მქონე მოქალაქეებისთვის საკომპენსაციო თანხების უზრუნველყოფას.