სტრატეგიული სიმშვიდე ციფრულ ეპოქაში - BDO დიჯითალის კიბერ და ინფორმაციული უსაფრთხოების მიმართულება

თანამედროვე ბიზნესგარემოში, სადაც ტექნოლოგიური პროგრესი და კიბერრისკები პარალელურ რეჟიმში იზრდება, ინფორმაციული უსაფრთხოება დიდი ხანია გასცდა ვიწრო ტექნიკურ ჩარჩოებს და კომპანიების სტრატეგიულ პრიორიტეტად იქცა. ამ დინამიკურ პროცესში BDO დიჯითალი საკუთარ პოზიციებს კიდევ უფრო აძლიერებს და კიბერ და ინფორმაციული უსაფრთხოების მიმართულებით მართვის ახალ ეტაპზე გადადის. გუნდს სათავეში გიორგი სახოკია ჩაუდგა, რომლის მრავალწლიანი პროფესიული გამოცდილება IT სფეროსა და ინფორმაციულ უსაფრთხოებაში ბიზნესისთვის საჭირო ტექნიკური სიღრმისა და მენეჯერული ხედვის სინთეზს წარმოადგენს.

გიორგი სახოკიას ათწლიანი პრაქტიკა ინფორმაციული უსაფრთხოების მართვის, IT აუდიტისა და ციფრული რისკების შემცირების მიმართულებით სხვადასხვა კრიტიკულ სექტორს აერთიანებს, მათ შორის ფინანსურ მომსახურებას, ჯანდაცვასა და სახელმწიფო სექტორს. მისი აკადემიური ბაზისი კომპიუტერული ინჟინერიისა და ეკონომიკის განხრით, ისეთ საერთაშორისო სერტიფიკატებთან ერთად, როგორიცაა CISSP და CISA, BDO-ს პარტნიორებისთვის იმის გარანტიაა, რომ მათ კიბერმდგრადობაზე დარგის ერთ-ერთი ყველაზე კვალიფიციური ექსპერტი იზრუნებს.

თუმცა, BDO-ს სიძლიერე მხოლოდ ინდივიდუალურ ლიდერში არ არის. კომპანია ბაზარზე წარმოდგენილია მაღალკომპეტენტური გუნდით, სადაც თითოეულ წევრს მნიშვნელოვანი წვლილი შეაქვს უსაფრთხოების ეკოსისტემის შექმნაში. მაგალითად, ირაკლი ჩიხლაძის 13-წლიანი გამოცდილება IT კონტროლების ანალიზსა და აუდიტში, დავით ოქრუაშვილის ექსპერტულ მხარდაჭერასთან ერთად, ქმნის მყარ საფუძველს ორგანიზაციებისთვის, რათა მათ წარმატებით დანერგონ უსაფრთხოების საუკეთესო პრაქტიკები.

რაც შეეხება თავად სერვისების პორტფელს, BDO Digital-ი კომპანიებს სთავაზობს სრულ ციკლს, რომელიც ცდება სტანდარტულ კონსულტაციებს. სერვისების ერთ-ერთი მთავარი საყრდენია ინფორმაციული უსაფრთხოების მართვის სისტემების (ISMS) დანერგვა და ISO 27001 სტანდარტთან შესაბამისობის უზრუნველყოფა, რაც ბიზნესს საერთაშორისო ნდობას ანიჭებს. ტექნიკურ დონეზე კომპანია ახორციელებს შეღწევადობის ტესტირებასა (Penetration Testing) და ვებ-აპლიკაციების უსაფრთხოების აუდიტს, რათა რეალურ დროში გამოვლინდეს და აღმოიფხვრას სისტემური ხარვეზები. BDO დიჯითალის კიბერუსაფრთხოების სერვისები უკვე მრავალი წელია სერტიფიცირებულია ISO/IEC 27001:2022 ინფორმაციული უსაფრთხოების მართვის საერთაშორისო სტანდარტით.

გარდა ზემოთნახსენები სერვისებისა, BDO დიჯითალი ორგანიზაციებს პერსონალურ მონაცემთა დაცვისა და ეროვნული რეგულაციების მოთხოვნების დაკმაყოფილებაში ეხმარება, რაც კრიტიკულად მნიშვნელოვანია როგორც საბანკო, ისე სადაზღვევო და ჯანდაცვის სექტორებისთვის. კომპანიის პორტფელში ასევე შედის ბიზნესის უწყვეტობის მართვის გეგმების (BCP) შემუშავება, რაც უზრუნველყოფს ორგანიზაციის ფუნქციონირებას ფორსმაჟორულ სიტუაციებშიც კი.

დღეს კიბერუსაფრთხოება არა ბიზნესის გადარჩენის, არამედ მისი წარმატების სტრატეგიაა. BDO დიჯითალის განახლებული გუნდი, საერთაშორისო გამოცდილებითა და უახლესი სტანდარტებით, სწორედ ამ პარადიგმის შეცვლაზეა ორიენტირებული და პარტნიორ კომპანიებს ისეთი გარემოს შექმნას ჰპირდება, სადაც ტექნოლოგიური რისკები სრულად კონტროლირებადია, რაც მენეჯმენტს საშუალებას აძლევს, მთელი ფოკუსი და ენერგია მხოლოდ კომპანიის ზრდასა და მასშტაბირებაზე მიმართოს.