TabaTea: ერთი ფინჯანი გურიის ისტორიიდან
ერთი ფინჯანი, რომელშიც საუკუნე ცხოვრობს
გურიის რეგიონში, ოზურგეთის გულში, არსებობს ადგილი, სადაც ერთი ფინჯანი ჩაი მხოლოდ სასმელი როდია. ის საუკუნოვან ისტორიას აცოცხლებს, რომელიც სამმა თაობამ დიდი სიყვარულით შემოინახა. TabaTea გურიის ჩაის კულტურის ცოცხალი გაგრძელებაა, ერთი ფინჯანი, რომელშიც მთელი ეპოქაა ჩატეული.
გურია, საქართველოს ჩაის გული
ქართული ჩაის ისტორია მე-19 საუკუნის ბოლოს იწყება. გურია, აჭარა, სამეგრელო ის რეგიონებია, სადაც Camellia sinensis-ის (ჩაის ბუჩქის) გასაშენებლად იდეალური სუბტროპიკული კლიმატი აღმოჩნდა. გურიის ნოტიო, ცხელი ზაფხული, რბილი ზამთარი და ნაყოფიერი წითელმიწა ნიადაგი ქმნის იმ უნიკალურ პირობებს, რომლებშიც ჩაი კი არ არსებობს, არამედ საუკეთესო თვისებებს ავლენს.
საბჭოთა პერიოდში საქართველო მსოფლიოს ერთ-ერთი უდიდესი ჩაის მწარმოებელი იყო. გურიის ჩაი იგზავნებოდა მოსკოვში, ლენინგრადში, ვარშავასა თუ პრაღაში. ჩაის სმა ქართული ყოველდღიურობის ნაწილად იქცა, ამგვარად შეიქმნა ტრადიცია, და ჩაი გულწრფელი საუბრების თანმხლებლად და ოჯახური სუფრის სიმბოლოდ გადაიქცა.
90-იანი წლების ეკონომიკურმა კრიზისმა ქართულ ჩაის ინდუსტრიას მძიმე დარტყმა მიაყენა. პლანტაციები გავერანდა, უნიკალური ცოდნა მიივიწყეს, ხოლო ნამდვილი ქართული ჩაი ბაზრიდან თითქმის გაქრა. თუმცა მიწამ, რომელშიც Camellia sinensis-ის ფესვები ცოცხლობდა, თავისი არ დათმო. თაობიდან თაობას გადაცემული გამოცდილება ოჯახებში მაინც შენარჩუნდა.
TabaTea, როგორც სამი თაობის მემკვიდრეობა
ტაბას ოჯახი ჩაის ბაღს უკვე მესამე თაობაა უვლის. ყველაფერი ბაბუით დაიწყო, რომელმაც ჩაის პირველი თესლი ოზურგეთის სოფელ მელექედურში, ღია მინდორზე დათესა. შემდეგ იყო მამა, რომელმაც პლანტაცია საბჭოური მასობრივი მექანიზაციის მავნე გავლენისგან იხსნა და წარმოება ტრადიციულ, ხელნაკეთ შრომას დაუბრუნა. დღეს კი, ოჯახური ტრადიციების ბაზაზე, ახალგაზრდა თაობა აშენებს ბრენდ TabaTea-ს, რომელსაც ქართული ჩაი საერთაშორისო ბაზარზე გააქვს.