ტაქსის მძღოლები საქართველოს სამ დიდ ქალაქში აქციას მართავენ

დღეს, 1 მაისს - შრომის საერთაშორისო დღეს - ტაქსის მძღოლები საქართველოს სამ დიდ ქალაქში შრომითი პირობების გაუმჯობესების მოთხოვნით აქციებს მართავენ.

ამის შესახებ ინფორმაციას საქართველოს ტაქსის მძღოლთა გაერთიანება ავრცელებს.

როგორც მათ განცხადებაშია აღნიშნული, ტაქსის სფეროში დასაქმებული ათასობით მძღოლს ყოველდღიურად მაღალი საკომისიოს, დაბალი ტარიფისა და უსამართლო დაბლოკვების გამო, მძიმე პირობებში უწევს მუშაობა. სწორედ ამიტომ, თბილისის, ქუთაისისა და ბათუმის ტაქსის მძღოლებმა გადაწყვიტეს გაერთიანდნენ შრომითი პირობების გაუმჯობესების მიზნით და 1 მაისს, მშრომელთა საერთაშორისო დღეს, გათიშონ აპლიკაცია და მოაწყონ მსვლელობა სამ ქალაქში.

ანონსის მიხედვით, დილის ცხრა საათიდან აპლიკაცია გაითიშება.

თბილისში - 12:00 საათზე აქცია დაიგეგმა ჰუალინგთან, 15:00 მსვლელობა

ბათუმში - 12:00 საათზე აქცია დაიგეგმა გიორგი ანწუხელიძის 2 ნომერში, 15:00 მსვლელობა

ქუთაისში -12:00 საათზე აქცია დაიგეგმა აღმაშენებლის ძეგლთან, 15:00 მსვლელობა.