თბილისის მერია 3,5 მლნ ლარად 100 ცალ მიწისქვეშა ნაგავშემკრებ კონტეინერს ყიდულობს

შპს "თბილსერვის ჯგუფი" 100 ცალ მიწისქვეშა ნაგავშემკრებ კონტეინერს ყიდულობს. 15 ივლისს გამოცხადებული ტენდერის თანახმად, შესყიდვის სავარაუდო ჯამური ღირებულება 3,5 მლნ ლარია.

შესყიდვა მოიცავს კონტეინერების მიწოდება/მონტაჟსაც, ანუ მიწისქვეშ განთავსებასაც.

წინადადებების მიღება 12 აგვისტოს დაიწყება და 17 აგვისტოს დასრულდება.

სატენდერო დოკუმენტაციის მიხედვით, მიწისქვეშა ნაგავშემკრები კონტეინერი დამზადებული უნდა იყოს მთლიანად პოლიეთილენისაგან ან/და უჟანგავი ფოლადისგან. მოცულობა 3 მ3. ასევე, დაუხარისხებელი საყოფაცხოვრებო ნარჩენების კონტეინერი უნდა იყოს მთლიანად წყალშეუღწევი და არ უნდა საჭიროებდეს პარკებს ან რაიმე სხვა ტიპის მასალებს ნარჩენების განსათავსებლად.

სად განთავსდება ახალი მიწისქვეშა კონტეინტერები, უცნობია. მსგავსი ტიპის ნაგავშემკრები კონტეინერები თბილისში რამდენიმე ქუჩაზეა განთავსებული.