თბილისში, კულტურული მემკვიდრეობის ძეგლის რეაბილიტაციის წესებს საკრებულო განსაზღვრავს - პარლამენტმა ცვლილებები დაამტკიცა
პარლამენტმა III მოსმენით, დაჩქარებული წესით განიხილა და 72 ხმით, 9-ის წინააღმდეგ, „ლიცენზიებისა და ნებართვების შესახებ“ კანონში ცვლილება მიიღო, რომლის მიხედვითაც თბილისში კულტურული მემკვიდრეობის ძეგლებზე მერიის მიერ დაგეგმილი სამუშაოების წესებსა და პირობებს თბილისის საკრებულო განსაზღვრავს. ამ დრომდე პირობებს საქართველოს მთავრობა განსაზღვრავდა
ცვლილების თანახმად, „ლიცენზიებისა და ნებართვების შესახებ“ საქართველოს კანონის მოქმედება არ გავრცელდება კულტურული მემკვიდრეობის ძეგლზე სამუშაოებისას, თუ ასეთ საქმიანობას ქალაქ თბილისის მუნიციპალიტეტის მერიის ან ქალაქ თბილისის მუნიციპალიტეტის მიერ შექმნილი/დაფუძნებული იურიდიული პირი განახორციელებს.მომხსენებლის, პარლამენტის კულტურის კომიტეტის თავმჯდომარის გიორგი გაბუნიას განცხადებით, საკანონმდებლო ცვლილებით, დაცული იქნება სახელმწიფო, საჯარო ინტერესი და სახელმწიფოს დამატებითი საბიუჯეტო ხარჯების წნეხი მოეხსნება.„ცვლილება კულტურული მემკვიდრეობის ძეგლების რეაბილიტაციის პროცესს შეუწყობს ხელს. შედეგად, უფრო ეფექტიან და მოქნილ სისტემას მივიღებთ“, - აღნიშნა გიორგი გაბუნიამ.
კანონპროექტის განმარტებით ბარათში აღნიშნულია, რომ კულტურული მემკვიდრეობის უძრავ ძეგლებზე შესასრულებელი სამუშაოების ოპერატიულად განხორციელება, უდიდესი საჯარო და კერძო ინტერესია, რადგან:
„ქალაქ თბილისის მუნიციპალიტეტის მიერ დაფუძნებული აიპ-ის „თბილისის განვითარების ფონდის“ მეშვეობით, ქალაქ თბილისის ტერიტორიაზე ახორციელებს მსხვილი არეალების (ქუჩები, მოედნები, დასახლებული კვარტალები), ცალკეული ისტორიულ-კულტურული მემკვიდრეობის ძეგლების, მათი ნაწილების, ისტორიული სადარბაზოების, მუზეუმებისა და სხვადასხვა ისტორიული შინაარსის მქონე ინფრასტრუქტურის რეაბილიტაცია-რესტავრაციის ან/და ახლიდან მოწყობის სამუშაოებს. როგორც წესი, აღნიშნული საქმიანობა ხორციელდება საპროექტო მომსახურებისა და სამშენებლო-სარეაბილიტაციო სამუშაოების სახელმწიფო შესყიდვის გზით. ხშირ შემთხვევაში, პროექტირების ეტაპზე შეუძლებელია მაღალი სიზუსტით განისაზღვროს სამუშაო მოცულობები, რომელთა დადგენაც აუცილებელია მოპოვებისთვის. განხორციელებამდე საქმიანი სამშენებლო-სარეაბილიტაციო პრაქტიკა საპროექტო ცხადყოფს, ორგანიზაციები, სამუშაოების ნებართვის რომ ფიზიკური სამუშაოების არსებული შენობა-ნაგებობების სპეციფიკაციიდან (სიძველე, დახურული არეალები და სხვა) გამომდინარე, ვერ უზრუნველყოფენ ზედმიწევნით ზუსტი საპროექტო მდგომარეობის განსაზღვრას, რაც საბოლოო ჯამში მოითხოვს უფლებამოსილ ადმინისტრაციულ ორგანოში შეთანხმებული საპროექტო დოკუმენტაციის კორექტირებას.