მთავარი
BM.GEწყარო
  1. მთავარი
  2. BM.GE
  3. ტეხასმა მონაცემთა ცენტრების მშენებლობის ნებართვების განხილვა განაახლა
ტეხასმა მონაცემთა ცენტრების მშენებლობის ნებართვების განხილვა განაახლა

ტეხასმა მონაცემთა ცენტრების მშენებლობის ნებართვების განხილვა განაახლა

BM.GE20 ნოემბერი, 2026, 03:42|bm.ge

ტეხასის გარემოს ხარისხის კომისიამ მონაცემთა ცენტრების მშენებლობის ნებართვების განხილვა განაახლა, რითაც სექტემბერში დაწესებული დროებითი შეზღუდვა დასრულდა.

როგორც ირკვევა, გადაწყვეტილება მას შემდეგ მიიღეს, რაც ელექტროქსელის ოპერატორმა ERCOT-მა ადგილობრივ თემებზე მონაცემთა ცენტრების გავლენისა და რესურსების მოხმარების შესახებ ინფორმაციის შეგროვება დაასრულა. უწყების პრესსპიკერის, ლორა ლოპესის განცხადებით, კომისია მუშაობის ჩვეულ რეჟიმს დაუბრუნდა და განაცხადებს მოქმედი კანონმდებლობის შესაბამისად შეაფასებს.

აღსანიშნავია, რომ ნებართვების შეჩერებას წინ უძღოდა აგვისტოში გუბერნატორ გრეგ ებოტის მიერ ინიციირებული აუდიტი, რომელიც მონაცემთა ცენტრების მიერ ელექტროენერგიისა და წყლის მოხმარების შემოწმებას ისახავდა მიზნად.

რაც შეეხება პოლიტიკურ კონტექსტს, აღნიშნული საკითხი შუალედური არჩევნების წინ ერთ-ერთი მთავარი თემა იყო. არჩევნებში გამარჯვებულმა დემოკრატმა კანდიდატმა, ჯინა ჰინოხოსამ, რომელმაც გრეგ ებოტი დაამარცხა, მონაცემთა ცენტრების მშენებლობაზე მორატორიუმის დაწესების პირობა დადო.

არჩეული გუბერნატორის შეფასებით, რეგულაციების არარსებობა სოფლის ტიპის დასახლებებში ადგილობრივი მოსახლეობის ინტერესებს აზიანებს.

თავის მხრივ, აშშ-ის პრეზიდენტი დონალდ ტრამპი მონაცემთა ცენტრების განვითარებას მხარს უჭერს და მიიჩნევს, რომ მათი შეზღუდვა შეცდომაა, რადგან ინვესტიციები ადგილობრივ მოსახლეობას მნიშვნელოვან ფინანსურ სარგებელს უტოვებს.

გაზიარება:

BM.GE

წყარო: bm.ge

ორიგინალი სტატია

მსგავსი სტატიები

მასკმა ზელენსკი ტყუილში დაადანაშაულა და თქვა, რომ უკრაინის ომში Starlink-ის გამოყენება უნდა შეიზღუდოს

მასკმა ზელენსკი ტყუილში დაადანაშაულა და თქვა, რომ უკრაინის ომში Starlink-ის გამოყენება უნდა შეიზღუდოს

BM.GE

ამერიკული მონაცემთა ცენტრები ქვეყნების და შტატების მოცულობის ელექტროენერგიის მოიხმარენ

ამერიკული მონაცემთა ცენტრები ქვეყნების და შტატების მოცულობის ელექტროენერგიის მოიხმარენ

BM.GE

10 თვეში მომხმარებლებს ნახევარ მილიონ ლარზე მეტი ჩამოეწერათ - ნარმანია

10 თვეში მომხმარებლებს ნახევარ მილიონ ლარზე მეტი ჩამოეწერათ - ნარმანია

BM.GE

"როდესაც კვლევა დასრულდება, პროექტის მხარდაჭერის გზებს შევისწავლით" - EBRD წყალქვეშა კაბელებზე

"როდესაც კვლევა დასრულდება, პროექტის მხარდაჭერის გზებს შევისწავლით" - EBRD წყალქვეშა კაბელებზე

BM.GE