TOP-10 კომპანია საქართველოდან, რომელიც რუსეთში ყველაზე მეტ ღვინოს ყიდის

2026 წლის 8 თვეში საქართველოდან რუსეთში ექსპორტზე 102 მლნ დოლარის ღირებულების 34 898 ტონა ღვინო გავიდა.

საქსტატის ინფორმაციით, იანვარ-აგვისტოში საქართველომ ღვინის ექსპორტით (52 419 ტონა) სულ 164 მლნ აშშ დოლარი მიიღო, რაც იმას ნიშნავს, რომ ღვინის ექსპორტის ექსპორტის 67% სწორედ რუსეთზე მოდის. საექსპორტო სამეულში არიან პოლონეთი, უკრაინა და ჩინეთი. დანარჩენ ბაზრებზე კი 4 მილიონ დოლარზე ნაკლები ღირებულების ღვინოს ვყიდით.

რუსეთი - 102.196 მლნ აშშ დოლარის (34 898 ტონა)პოლონეთი - 10.697 მლნ აშშ დოლარის (4 092 ტონა)უკრაინა - 7.505 მლნ აშშ დოლარის (2 714 ტონა)ჩინეთი - 6.279 მლნ აშშ დოლარის (2 149 ტონა)ყაზახეთი - 5.007 მლნ აშშ დოლარის (1 494 ტონა)გერმანია - 4.904 მლნ აშშ დოლარის (1 018 ტონა)ბელარუსი - 4.243 მლნ აშშ დოლარის (1 537 ტონა)აშშ - 3.623 მლნ აშშ დოლარის (615.8 ტონა)ლატვია - 3.281 მლნ აშშ დოლარის (747.4 ტონა)თურქეთი - 2.330 მლნ აშშ დოლარის (393.3 ტონა).

BMG-მ საქსტატიდან გამოითხოვა იმ TOP-10 ღვინის ექსპორტიორო კომპანიის სია, რომლებმაც 2025 და 2026 წლის 8 თვეში, რუსეთში ყველაზე მეტი ღვინო გაყიდეს.

შენიშვნა: ექსპორტიორები არ არის დალაგებული რეიტინგის მიხედვით.

სს ბადაგონისს კოტეხი-გურჯაანის ღვინის ქარხანაშპს GVMT Groupშპს ალკოჰოლური სასმელების კომპანია ალავერდიშპს ასკანელი ძმებიშპს დუგლაძეების ღვინის კომპანიაშპს კახური ტრადიციული მეღვინეობაშპს კახური ღვინის მარანიშპს შალვინოშპს წინანდლის ძველი მარანი.

ცნობისთვის: როგორც 10 ოქტომბერს რუსული მედიიდან გახდა ცნობილი, „როსპოტრებნადზორმა“ „სანიტარული მიზნებით“, კერძოდ „ფიზიკურ-ქიმიურ მაჩვენებლებსა და უსაფრთხოების მოთხოვნებთან შეუსაბამობის“ გამო, დროებით აკრძალა „თელიანი ველის“, „თბილღვინოს“, „ვაინმენის“ და „ასკანელი ძმების“ პროდუქცია. როგორც საქსტატის მიერ მოწოდებული ინფორმაციიდან ჩანს, "დროებითი აკრძალვა" top-ექსპორტიორებიდან, ჯერჯერობით, მხოლოდ "ასკანელ ძმებს" შეეხო.

"დროებითი ემბარგო" შეეხო მინერალური წყალი „ნაბეღლავის“, „ქართული ლუდის კომპანიის“ პროდუქციას და ასევე, საქართველოში წარმოებულ „კოკა-კოლას", რომლის ექსპორტსაც "კოკა კოლა ბოთლერს ჯორჯია" რუსეთში არც ახორციელებს. პროდუქცია რუსულ ბაზარზე, სავარაუდოდ, საბითუმო მოვაჭრეების გზით ხვდება.