ტოპ-10 ქართული კომპანია, რომლებმაც თურქეთში ყველაზე დიდი მოცულობის ექსპორტი განახორციელეს

2026 წლის იანვარ-მაისში თურქეთი საქართველოს ერთ-ერთ მთავარ სავაჭრო და საექსპორტო პარტნიორად დარჩა. საქსტატის მონაცემებით, მიმდინარე წლის პირველ ხუთ თვეში ორ ქვეყანას შორის საგარეო სავაჭრო ბრუნვამ 1.38 მილიარდი დოლარი შეადგინა, რაც გასული წლის ანალოგიური პერიოდის 1.22 მილიარდ დოლართან შედარებით ზრდას ნიშნავს.

BM.GE დაინტერესდა, თუ რომელი ქართული კომპანიები ვაჭრობენ ამ ბაზარზე ყველაზე მეტს. საქსტატის მონაცემებით, 2026 წლის იანვარ-მაისში თურქეთის ბაზარზე ყველაზე მსხვილ ექსპორტიორთა ათეულში სხვადასხვა სექტორში მოქმედი კომპანიები მოხვდნენ. მათ შორის არიან ტექსტილის, მეტალურგიის, ნავთობპროდუქტებისა და სამრეწველო მიმართულების წარმომადგენლები.

ტოპ-10 ქართული კომპანია, რომლებმაც თურქეთში ყველაზე დიდი მოცულობის ექსპორტი განახორციელეს (2026 წლის იანვარ-მაისი):

• სავაჭრო-სამკერვალო კომპანია შპს „აჭარა ტექსტილე“, • ლითონის ნარჩენებისა და ჯართით მოვაჭრე შპს „ბიმეტალი“, • ნავთობპროდუქტების მწარმოებელი შპს „ბლექ სი პეტროლიუმი“, • შპს „დგ სერვის გრუპი“. • შპს „რაი მეტალი“, • შპს „სილქ თრეიდი“, • შპს „სტიილ ინტერნეიშენელ ტრეიდინგ კომპანი“, • შპს „ფასთ თრექ ტექსტილე ლთდ“, • შპს „ჭიათურმანგანუმ ჯორჯია“ • შპს „ჯეო სტილი“.

საქსტატი განმარტავს, რომ ჩამონათვალი აერთიანებს იმ კომპანიებს, რომლებმაც 2026 წლის იანვარ-მაისში თურქეთში ყველაზე დიდი მოცულობის პროდუქციის ექსპორტი განახორციელეს. თუმცა, სია რეიტინგული არ არის და კომპანიები ექსპორტის მოცულობის მიხედვით დალაგებული არაა.