ტრამპის გადაწყვეტილების გამო, ილონ მასკი SpaceXAI-ს სახელწოდებას უცვლის

პლანეტის უმდიდრესმა ადამიანმა და SpaceX-ის აღმასრულებელმა დირექტორმა, ილონ მასკმა AI-ის განვითარებაზე მომუშავე შვილობილი კომპანიის, SpaceXAI-ს სახელწოდების SpaceXSI-ით შეცვლის გადაწყვეტილება მიიღო.

როგორც ირკვევა, ეს ცვლილება პირდაპირ უკავშირდება ამერიკის შეერთებული შტატების პრეზიდენტის, დონალდ ტრამპის მიერ გასულ კვირას გაცემულ განკარგულებას, რომლის მიხედვითაც ტერმინი “ხელოვნური ინტელექტი” ახალი ტერმინით, “სუპერ ინტელექტით” ჩანაცვლდება და AI-ის ნაცვლად, ახალი აბრევიატურა – SI დამკვიდრდება.

დონალდ ტრამპის განცხადებით, ტერმინი “სუპერ ინტელექტი” ტექნოლოგიურ შესაძლებლობებს ბევრად უფრო ზუსტად ასახავს, შესაბამისად, ახალი რეგულაცია სამთავრობო ვებსაიტებსა და ოფიციალურ დოკუმენტებზეც გავრცელდება.

ამ განკარგულების ფონზე, ილონ მასკმა დაადასტურა, რომ კომპანიის სახელწოდების ცვლილებას სწორედ ამ მიზეზით გეგმავს. მისი თქმით, SI უკეთესი ტერმინია და სახელის შეცვლაზე სხვა კომპანიებიც უნდა დაფიქრდნენ.

ამ ეტაპზე უცნობია, აპირებს თუ არა ილონ მასკი xAI-ის სახელის xSI-ით და Grok AI-ის სახელის Grok SI-ით ჩანაცვლებას.