წელს საქართველოდან EU-ში ვიზიტები 31%-ით გაიზარდა

საქსტატის ინფორმაციით, მიმდინარე წლის პირველ კვარტალში საქართველოდან ევროკავშირის ქვეყნებში 115.5 ათასი ვიზიტი შედგა. 2025 წლის შესაბამის პერიოდთან შედარებით, ვიზიტების რაოდენობა თითქმის 31%-ით არის გაზრდილი.

ამ მაჩვენებლით ევროკავშირის ქვეყნებს მხოლოდ თურქეთი უსწრებს, სადაც პირველ კვარტალში 172 ათასი ვიზიტი შედგა, მესამე ადგილზე 89 ათასი ვიზიტით რუსეთის ფედერაციაა.

რაც შეეხება სხვა მონაცემებს, 2026 წლის I კვარტალში საქართველოდან საზღვარგარეთ 641 ათასი გასვლა დაფიქსირდა, რაც წლიურ ჭრილში 4%-ით გაზრდილი მაჩვენებელია.

აქედან რეზიდენტი ვიზიტორების მიერ საზღვარგარეთ განხორციელებულმა ვიზიტებმა 496 ათასი შეადგინა, რაც 2025 წლის შესაბამის მაჩვენებელზე 2.9%-ით მეტია. ამ ვიზიტებიდან 329 ათასი ტურისტული ტიპის იყო, რაც საქსტატის ინფორმაციით, წლიურ ჭრილში 1.7%-იანი ზრდაა.

I კვარტალში ვიზიტების ყველაზე დიდი ნაწილი (35%) მეგობრების/ნათესავების მონახულების მიზნით განხორციელდა, შემდეგ მოდის საყიდლები (32%), ხოლო მესამე ადგილზეა დასვენება და გართობა (20%).

საქსტატის ცნობითვე, პირველ კვარტალში ქართველებმა საზღვარგარეთ 629 მლნ ლარი დახარჯეს, რაც წინა წლის ანალოგიური პერიოდის მაჩვენებელზე 31%-ით მეტია. ვიზიტზე საშუალო ხარჯი 2025 წლის I კვარტალთან შედარებით 27%-ით 1 268 ლარამდე გაიზარდა.

ხარჯი ასე გადანაწილდა:

• საყიდლები - 522 ლარი; • კვება - 302 ლარი; • განთავსება - 181 ლარი; • ადგილობრივი ტრანსპორტი - 130 ლარი; • გასართობი, გამაჯანსაღებელი, კულტურული და სპორტული ღონისძიებები - 60 ლარი;