წიწიბურას იმპორტი 25%-ით გაიზარდა - მთავარი მომწოდებელი კვლავ რუსეთია

საქართველოში წიწიბურას იმპორტი 2026 წლის იანვარ–აპრილში გაიზარდა. კერძოდ, ოფიციალური მონაცემების მიხედვით, მიმდინარე წლის პირველ ოთხ თვეში ქვეყანაში შემოვიდა 2 710.7 ტონა წიწიბურა, რომლის ღირებულებამ 1 439 000 დოლარი შეადგინა. 2025 წლის ანალოგიურ პერიოდში იმპორტი იყო 2 676 ტონა, ხოლო ღირებულება, დაახლოებით 1.1 მილიონი დოლარი. ამ მაჩვენებლებით, წიწიბურას იმპორტი 24.7%-ით ღირებულებაში და 1.2%-ით მოცულობაში გაიზარდა.

წელს 4 თვეში წიწიბურას ძირითადი ნაწილი, 2 710.6 ტონა რუსეთიდან შემოვიდა, რაშიც 1 438 500 დოლარი გადავიხადეთ. ასევე მცირე რაოდენობა, 100 კილოგრამი, პოლონეთიდან შემოვიტანეთ, რომლის ღირებულებამ 500 დოლარი შეადგინა.

საშუალო ფასის მიხედვით, 2025 წლის პირველ 4 თვეში, 1 ტონა წიწიბურაში დაახლოებით 99.7 დოლარი გვაქვს გადახდილი, ხოლო 2026 წელს ფასი ოდნავ გაიზარდა და 99.8 დოლარს მიაღწია.