"თუ აშშ ჩვენს ენერგოინფრასტრუქტურას დაარტყამს, გადაკეტეთ ბაბ-ელ-მანდების სრუტე" - ირანი ჰუსიტებს
ირანის ხელისუფლებამ იემენურ ტერორისტულ ორგანიზაცია "ჰუსიტებს" მოუწოდა, აშშ-ის მიერ ირანულ ენერგოინფრასტრუქტურაზე დარტყმის შემთხვევაში ბაბ-ელ-მანდების სრუტე ჩაკეტონ და წითელ ზღვაში საზღვაო გადაზიდვები სრულად შეზღუდონ.
არსებული ინფორმაციით, ეს ინიციატივა ისლამური რესპუბლიკის ხელმძღვანელობამ ჰუსიტებს დეტალურად გააცნო და ისიც განუსაზღვრა, როგორ უნდა იმოქმედონ მოვლენების სხვადასხვა სცენარით განვითარების შემთხვევაში. როგორც Reuters-ი წერს, თეირანმა ეს მოთხოვნა მას შემდეგ წამოაყენა, რაც აშშ-ის პრეზიდენტმა დონალდ ტრამპმა ირანის ენერგეტიკულ ინფრასტრუქტურაზე შესაძლო დარტყმებზე დაიწყო საუბარი.
ანალიტიკოსები აღნიშნავენ, რომ წითელ ზღვაში საზღვაო გადაზიდვების შესაძლო ბლოკადა გლობალურ ენერგეტიკულ კრიზისს მნიშვნელოვნად გააღრმავებს, რადგან სწორედ ამ მონაკვეთზე გადის გლობალური ნავთობის 12%.
ცნობისთვის, ბაბ-ელ-მანდების სრუტე საერთაშორისო საზღვაო მიმოსვილისთვის სტრატეგიული მონაკვეთია და ის წითელი ზღვის მთავარ კარიბჭედ მიიჩნევა.
BM.GE
წყარო: bm.ge