თუ [სახელმწიფო საწარმოებში] ₾700 მლნ დაიზოგა, რატომ გახდა საჭირო დენის ტარიფის ზრდა?! - ნიკა ალავიძის კითხვები

ეკონომიკის მინისტრის ყოფილი მოადგილის და საზოგადოებრივი მოძრაობა "ჯერ საქართველოს" თანადამფუძნებელ ნიკოლოზ ალავიძის განცხადებით, თუ [სახელმწიფო საწარმოებში] ₾700 მლნ რეალური დანაზოგია, საზოგადოებამ უნდა იცოდეს, სად ჩაიდო ეს თანხა.

საქმე ის არის, რომ „ქართული ოცნების“ მთავრობა, მათ შორის პრემიერი ირაკლი კობახიძე ხშირად იწონებს თავს სახელმწიფო საწარმოებში ოპტიმიზაციის შედეგად დაზოგილი 700 მილიონზე მეტი ლარით. „ოპტიმიზაციის შედეგად დაზოგილი 700 მლნ ლარი ისევ სახელმწიფო საწარმოებში ჩაბრუნდება“ – BMG-ის არქივი ინახავს მსგავსი შინაარსის არაერთ განცხადებას, რომელიც ირაკლი კობახიძეს ეკუთვნის.

ეკონომიკის მინისტრის ყოფილი მოადგილის აზრით, „ქართული ოცნების“ მთავრობის განცხადებები, რომ სახელმწიფო საწარმოების ოპტიმიზაციით წელიწადში 700 მილიონ ლარზე მეტი დაიზოგა, კარგი ამბავია, მაგრამ მეორე მხრივ, „მძიმე აღიარებაცაა“, რადგან სახელმწიფო კომპანიების არაეფექტიან მუშაობაზე მიუთითებს.

"თუ სახელმწიფო საწარმოებში ასეულობით მილიონი ლარი დაიზოგა და ეს რესურსი სტრატეგიულ ინფრასტრუქტურაში, მათ შორის ენერგოსისტემაში, უნდა დაბრუნდეს, რატომ გახდა საჭირო იმავე პერიოდში დამატებითი ტვირთის გადატანა მოსახლეობასა და ბიზნესზე დენის ტარიფის ზრდით?!“ - კითხვას სვამს ნიკოლოზ ალავიძე.

მისივე შეფასებით, „გამჭვირვალობის გარეშე ოპტიმიზაცია “მთავრობის წარმატების” მსუბუქი პრესრელიზია, ხოლო რეალური ინვოისი ოჯახებსა და ბიზნესზე გადადის“.

სახელმწიფო საწარმოებში არსებულ მდგომარეობასა და მათ შორის 700 მილიონის დაზოგვის საკითხზე, რითაც ხელისუფლება ხშირად იწონებს თავს, ეკონომიკის მინისტრის მოადგილემ ვრცლად ისაუბრა ბლოგში - „ეკონომიკა მხოლოდ პრეზენტაციებით არ ცხოვრობს|რეალობა ბედნიერი რიცხვების მიღმა“.

"700 მილიონი ლარის „დაზოგვა“ - რეფორმა თუ აღიარება?