ვენესუელაში მიწისძვრების შედეგად დაღუპულთა რაოდენობამ 4 000-ს გადააჭარბა

ვენესუელაში მომხდარი დამანგრეველი ორმაგი მიწისძვრების შედეგად დაღუპულთა რაოდენობამ 4 000-ს გადააჭარბა. ამის შესახებ მთავრობამ პარასკევს განაცხადა.

ვენესუელის პარლამენტის ხელმძღვანელმა ხორხე როდრიგესმა Telegram-ზე დაწერა, რომ 24 ივნისს ერთმანეთის მიყოლებით მომხდარ მიწისძვრებს სულ მცირე 4 118 ადამიანი ემსხვერპლა, ხოლო 16 740 დაშავდა. კიდევ ათასობით ადამიანი დაკარგულად ითვლება.

აღსანიშნავია, რომ პარასკევს ცენტრალურ კარაკასში 3 მაგნიტუდის ბიძგმა ხანმოკლე პანიკა გამოიწვია და შენობების ევაკუაცია გახდა საჭირო.

შეგახსენებთ, 24 ივნისს ვენესუელაში 7.2 და 7.5 მაგნიტუდის ორი ძლიერი მიწისძვრა მოხდა. გაეროს მიგრაციის სააგენტოს განცხადებით, სტიქიამ შესაძლოა 6.8 მილიონამდე ადამიანზე მოახდინოს გავლენა, რომლებსაც დასჭირდებათ თავშესაფარი, წყალი, სანიტარული პირობები, სამედიცინო მომსახურება და პირველადი მოხმარების ნივთები.