"ყაზბეგის" საბაჟოზე 132 404 ლარის ღირებულების ოქროს ნაკეთობების უკანონო შემოტანა აღკვეთეს
BM.GE|bm.ge
"ყაზბეგის" საბაჟოზე 132 404 ლარის ღირებულების ოქროს ნაკეთობების შემოტანის 3 ფაქტი აღიკვეთა. ინფორმაციას შემოსავლების სამსახური ავრცელებს.
"სგპ "ყაზბეგის“ მებაჟე ოფიცრებმა უცხო ქვეყნის მოქალაქეების, როგორც ფიზიკური, ასევე კუთვნილი ბარგისა და მათი მართვის ქვეშ არსებული ავტომობილების დეტალური დათვალიერების შედეგად 600 გრამი დეკლარირებას დაქვემდებარებული ოქროს საიუველირო ნაკეთობების შემოტანის 3 ფაქტი აღკვეთეს.აღნიშნული საქონლის საერთო საბაჟო ღირებულებამ 132 404 ლარი შეადგინა", - ნათქვამია გავრცელებულ ინფორმაციაში.
უწყების ცნობით, სამივე კანონდამრღვევი მოქალაქის მიმართ საქმის მასალები შემდგომი რეაგირების მიზნით, საქართველოს ფინანსთა სამინისტროს საგამოძიებო სამსახურს გადაეგზავნა.
გაზიარება:
BM.GE
წყარო: bm.ge