ზელენსკი მთავარსარდალ ალექსანდრ სირსკის გათავისუფლებას განიხილავს - FT
Financial Times-ის ცნობით, უკრაინის პრეზიდენტი ვოლოდიმირ ზელენსკი განიხილავს შეიარაღებული ძალების მთავარსარდლის, ალექსანდრ სირსკის, შესაძლო გათავისუფლებას. გამოცემა უკრაინის პრეზიდენტის ოფისის მაღალი რანგის ანონიმურ წარმომადგენელს ეყრდნობა.
სირსკის მიმართ კრიტიკა გაძლიერდა მას შემდეგ, რაც თავდაცვის მინისტრი მიხაილო ფედოროვი თანამდებობიდან გაათავისუფლეს. ამის შემდეგ უკრაინაში დაიწყო საპროტესტო გამოსვლები, რომლებიც ნაწილობრივ სირსკის წინააღმდეგ კამპანიად გადაიქცა.
ზელენსკი მზად არის სირსკის შეცვლისთვის, თუ იპოვის ისეთ კანდიდატს, რომელიც უზრუნველყოფს ძალაუფლების მშვიდობიან გადაბარებას და ფრონტის 1 200-კილომეტრიან ხაზზე თავდაცვის შენარჩუნებას.
უკრაინის პრეზიდენტი შაბათ-კვირას გეგმავს სამხედრო მეთაურებთან შეხვედრებს, რათა მოისმინოს მათი შეფასებები ფრონტზე არსებული ვითარების შესახებ და გაესაუბროს შესაძლო კანდიდატებს ახალი მთავარსარდლის პოსტზე.
BM.GE
წყარო: bm.ge