უკრაინამ როსტოვის ოლქში ნავთობბაზებსა და საპორტო ნავთობტერმინალზე იერიში მიიტანა
ფორმულა|formulanews.ge
უკრაინა აცხადებს, რომ რუსეთში, როსტოვის ოლქში მდებარე ნავთობბაზებსა და საპორტო ნავთობტერმინალზე იერიში მიიტანა.
კერძოდ, გავრცელებული ცნობებით, სამიზნე ქალაქ აზოვში მდებარე ნავთობბაზები და ოპტიკურ-მექანიკური ქარხანა იყო, ასევე ტაგანროგში – საპორტო ნავთობტერმინალი.
რუსული მხარე თავდასხმას ადასტურებს და აცხადებს, რომ აზოვში დრონებით თავდასხმის შედეგად ნავთობპროდუქტების შემნახავ ორ ობიექტზე ხანძარი გაჩნდა.
ამასთან, რუსული მხარის ცნობით, ტაგანროგში, აზოვში, ასევე აზოვისა და მატვეევო-კურგანის რაიონებში 35-ზე მეტი უპილოტო საფრენი აპარატი გაანადგურეს.
გაზიარება:
ფორმულა
წყარო: formulanews.ge