სანაიია: მთავარი ის არის, რომ ჩემი აზრი გამოვთქვა და სულერთია, რამდენდღიანი პატიმრობა იქნება

ეს არის გზავნილი ყველასადმი - გაჩუმდით! ეს საზოგადოება არ გაჩუმდება. ყოველთვის გამოხატავს თავის აზრს, - ამის შესახებ "ფორმულას" ჟურნალისტმა და ტელეწამყვანმა ვახო სანაიამ განაცხადა, რომელსაც Facebook პოსტის გამო პატიმრობა შეეფარდა.

"რასაც ჩვენ ვსაუბრობთ ტელევიზიით, სხვადასხვა მედია საშუალებით, არ მოსწონთ. ეს არ არის მხოლოდ ჩემ შესახებ გადაწყვეტილება. ეს ეხება საზოგადოების თითოეულ წევრს, ყველას მიმართ გზავნილია. მათ ძალიან კარგად იციან, რომ ჩემზე რაც ჯარიმა იმოქმედებს დარც პატიმრობა იმოქმედებს. ეს არის გზავნილი ყველასადმი - გაჩუმდით! ეს საზოგადოება არ გაჩუმდება. ყოველთვის გამოხატავს თავის აზრს, ამა თუ იმ ფორმით. გარდა ამისა, უსხედან ჩემს FACEBOOK-ს, სქორალვენ, სქრინავენ. ამას აკეთებენ დიდი ხანია. სამმართველოს შექმნამდეც დამიწერეს მე ჯარიმა. ჩემთვის სულერთია. ჩემთვის მთავარი არის ის, რომ მე გამოვთქვა ჩემი აზრი და სულერთია, რამდენდღიანი პატიმრობა იქნება, რამდენხნიანი პატიმრობა იქნება ახლა თუ მომავალში და რამდენ ჯარიმას დაწერენ", - განაცხადა ვახო სანაიამ.

შეგახსენებთ, სოციალურ ქსელში დაწერილი პოსტის გამო ვახო სანაიას 14 დღით პატიმრობა შეეფარდა. გადაწყვეტილება მოსამართლე ზვიად ცეკვავამ მიიღო.