ბაია ბრაჟე: რუსეთს შენობების განადგურება შეუძლია, არა უკრაინის მიმართ ლატვიის მხარდაჭერის

ლატვიის საგარეო საქმეთა მინისტრის ბაია ბრაჟეს ინფორმაციით, რუსეთმა უკრაინაში ლატვიის საპატიო საკონსულო დაბომბა. ბაია ბრაჟემ აღნიშნა, რომ ლატვია უკრაინის მხარდაჭერას კვლავ გააგრძელებს.

"აღშფოთებით ვადასტურებ, რომ ლატვიის საპატიო საკონსულო სლოვიანსკში რუსეთის თავდასხმის ქვეშ მოყვა. შევატყობინე ევროკავშირისა და ნატოს მინისტრებს და საერთაშორისო ორგანიზაციებს. რუსეთს შენობების განადგურება შეუძლია, არა უკრაინის ნების და ლატვიის მხარდაჭერის", - წერს ბრაჟე.

მანამდე რუსეთის მხრიდან იერიშზე დაწერა უკრაინის პრეზიდენტმა, ვოლოდიმირ ზელენსკიმ.

"დადასტურებულია, რომ, სამწუხაროდ, ექვსი ადამიანი დაიღუპა. ვუსამძიმრებ მათ ოჯახებსა და ახლობლებს. მიმდინარეობს ყველა გარემოების დაზუსტება და დაზარალებულთა მდგომარეობის გარკვევა. შემთხვევის ადგილზე მობილიზებულია ყველა საჭირო საგანგებო სამსახური.

სლოვიანსკშიც იყო მსხვერპლი რუსეთის მიერ მართვადი საავიაციო ბომბებით განხორციელებული დარტყმების შედეგად. ხუთი ადამიანი დაიღუპა. ვუსამძიმრებ მათ ოჯახებს. კიდევ ცხრა ადამიანი დაშავდა. რუსებმა დააზიანეს საცხოვრებელი სახლები, საკონსულოს შენობა და ავტომობილები.

ეს იყო მშვიდობიან მოსახლეობაზე განხორციელებული სასტიკი თავდასხმები და რუსეთმა ამაზე პასუხი უნდა აგოს", - აღნიშნა ზელენსკიმ.