რუსეთის სამარის ოლქში სარაკეტო დარტყმა განხორციელდა

უკრაინული მედიის ინფორმაციით, რუსეთის სამარის ოლქში სარაკეტო დარტყმა სამრეწველო საწარმოზე განხორციელდა.

"მტერმა სამრეწველო ობიექტზე სარაკეტო შეტევა განახორციელა. ადგილზე საგანგებო სამსახურები იმყოფებიან. ინფორმაციას ვაზუსტებთ", - თქვა სამარის ოლქის გუბერნატორმა, ვიაჩესლავ ფედორიშჩევმა.

მედიის ცნობით, სავარაუდოდ, დარტყმის სამიზნე სარაკეტო-კოსმოსური ცენტრი "პროგრესი" იყო.

"პროგრესის" სიახლოვეს მდებარეობს ქარხანა "ავიაკორი", რომელიც რუსული თვითმფრინავების შეკეთებას და მოდერნიზაციას ახორციელებს.