ნეპალში ჰიდროელექტროსადგურის გვირაბიდან ცხრა დღის წინ ჩარჩენილი ორი კაცი ცოცხალი ამოიყვანეს
ნეპალში, მდინარე ტრიშულის ჰიდროელექტროსადგურის გვირაბიდან მაშველებმა ორი ადამიანი — უფროსი მექანიკოსი სანჯაი საჰი და მექანიკოს-ზედამხედველი კაბირ მაჰარჯანი ცოცხალი ამოიყვანეს. ისინი გვირაბში ცხრა დღის წინ, მყინვარის ჩამოშლით გამოწვეული მასშტაბური წყალდიდობისა და მეწყრის შემდეგ ჩარჩნენ.
ენერგეტიკის სამინისტროს ცნობით, გადარჩენილები კატმანდუს საავადმყოფოში გადაჰყავთ; ერთ-ერთ მათგანს კიდურების მოძრაობა უჭირს, ხოლო მეორეს სერიოზული დაზიანებები არ აღენიშნება.
სტიქიურ უბედურებას, რომელიც მეცნიერების შეფასებით გლობალური დათბობით გამოწვეულმა მყინვარის არასტაბილურობამ განაპირობა, ნეპალსა და ტიბეტში 1 200-ზე მეტი ადამიანი ემსხვერპლა. ოფიციალური მონაცემებით, მდინარე ტრიშულის გასწვრივ მდებარე ჰესის ექვს გვირაბში, სავარაუდოდ, სულ მცირე 900 ადამიანი რჩება ჩარჩენილი, სადაც სამაშველო სამუშაოები უწყვეტ რეჟიმში გრძელდება.
ფორმულა
წყარო: formulanews.ge