ნიუ-იორკში, კობახიძე თურქეთის პრეზიდენტს შეხვდა
"ქართული ოცნების" პრემიერ-მინისტრი ირაკლი კობახიძე ნიუ-იორკში თურქეთის რესპუბლიკის პრეზიდენტს რეჯეფ თაიფ ერდოღანს შეხვდა.
შეხვედრა, გაეროს გენერალური ასამბლეის 81-ე სესიის ფარგლებში, ნიუ-იორკში მდებარე "თურქულ სახლში" გაიმართა.
ოცნების მთავრობის ადმინისტრაციის ცნობით, შეხვედრაზე ხაზი გაესვა საქართველოსა და თურქეთის სტრატეგიულ პარტნიორობას. საუბარი შეეხო ბაქო-თბილისი-ყარსის რკინიგზის მნიშვნელობას, რომელიც ექსპლუატაციაში სრულად შევიდა.
"მხარეებმა ასევე ისაუბრეს რეგიონული მნიშვნელობის ერთობლივ სტრატეგიულ პროექტებზე, რომლებსაც მნიშვნელოვანი წვლილი შეაქვს რეგიონის განვითარებასა და დაკავშირებადობის გაძლიერებაში.
შეხვედრაზე ასევე განიხილეს თანამშრომლობა სატრანსპორტო და ენერგეტიკის სფეროებში.
ხაზგასმით აღინიშნა მშვიდობის განსაკუთრებული მნიშვნელობა რეგიონის მდგრადი და სტაბილური განვითარებისთვის", - ნათქვამია ინფორმაციაში.
ფორმულა
წყარო: formulanews.ge