ბიძინა ივანიშვილი საქართველოში ისრაელის ელჩს, ვალიდ აბუ ჰაიას შეხვდა
„ქართული ოცნების“ საპატიო თავმჯდომარე და ქვეყნის არაფორმალური მმართველი ბიძინა ივანიშვილი საქართველოში ისრაელის ელჩს, ვალიდ აბუ ჰაიას შეხვდა. პარტიის ცენტრალურ ოფისში გამართულ შეხვედრაზე მხარეებმა ორ ქვეყანას შორის არსებულ მჭიდრო თანამშრომლობასა და 26-საუკუნოვან მეგობრობაზე ისაუბრეს.
„ყურადღება დაეთმო მსოფლიოში არსებულ გეოპოლიტიკურ ვითარებას და კიდევ ერთხელ გაესვა ხაზი დიპლომატიური გზით მშვიდობისა და სტაბილურობის მნიშვნელობას ქვეყნებისა და ხალხების საკეთილდღეოდ“.
ოფიციალური ინფორმაციით, შეხვედრაზე განიხილეს მსოფლიოში არსებული გეოპოლიტიკური ვითარება და ხაზი გაუსვეს დიპლომატიური გზით მშვიდობის უზრუნველყოფას. ივანიშვილმა ისრაელის დიპლომატს სამომავლო საქმიანობაში წარმატებები უსურვა და მზადყოფნა გამოთქვა ორმხრივი პარტნიორობის შემდგომი განმტკიცებისთვის.
ფორმულა
წყარო: formulanews.ge