სამხრეთ კორეამ უკრაინიდან ელჩი გაიწვია
სამხრეთ კორეამ უკრაინაში თავისი ელჩი, პაკ კი-ჩანი, გაიწვია. ამის შესახებ ქვეყნის საგარეო საქმეთა სამინისტრომ განაცხადა. ინფორმაციას BBC ავრცელებს.
სამინისტროს განცხადებით, სეული „გააგრძელებს კონსულტაციებს უკრაინულ მხარესთან და ელის სხვადასხვა გადაუჭრელი საკითხის შეუფერხებლად მოგვარებას“.
სეულსა და კიევს შორის ურთიერთობები მას შემდეგ დაიძაბა, რაც უკრაინის პრეზიდენტმა ვოლოდიმირ ზელენსკიმ გასულ თვეში გაეროს გენერალურ ასამბლეაზე განაცხადა, რომ უკრაინიდან ჩრდილოეთ კორეელი ტყვეების სამხრეთ კორეაში გადაყვანის საკითხი განიხილებოდა.
სამხრეთ კორეის ხელისუფლების განცხადებით, საკითხი კონფიდენციალური უნდა ყოფილიყო. უკრაინის საგარეო საქმეთა მინისტრმა ანდრეი სიბიგამ ვითარებას „დიპლომატიური გაუგებრობა“ უწოდა.
სამხრეთ კორეის საგარეო საქმეთა მინისტრმა ჩო ჰიუნმა ორი დღის წინ განაცხადა, რომ სეულმა უკრაინისგან ბოდიში მიიღო, თუმცა ის ქვეყნის მოლოდინებს არ აკმაყოფილებდა და „მკაცრი ზომების“ მიღება იგეგმებოდა.
ფორმულა
წყარო: formulanews.ge