საფრანგეთის ქალაქებში ნაწილობრივი კომენდანტის საათი დაწესდა

შაბათ-კვირას მომხდარი არეულობების შემდეგ საფრანგეთის ქალაქებში ნაწილობრივი კომენდანტის საათი დაწესდა.

შეზღუდვა ადამიანების სამ კატეგორიაზე გავრცელდება: თანმხლები პირების გარეშე მყოფ არასრულწლოვნებზე, დაცვის საშუალებებით აღჭურვილ ადამიანებსა და პირებზე, რომლებიც სახეებს ფარავენ.

პარიზის ქუჩებში შეზღუდვები 23:00 საათიდან ამოქმედდა და ის ვრცელდება ყველა ასაკის მოქალაქეზე. მათ დილის 6 საათამდე აკრძალული აქვთ ყოფნა რესპულიკის მოედანზე და მის მიმდებარე ქუჩებზე.

ახალგაზრდების გადაადგილებასა და შეკრებაზე შემზღუდველი ზომები დაწესდა ისეთ ქალაქებში, როგორიცაა მარსელი, ბორდო, ნიცა და ლიონი.

საფრანგეთის პრემიერ-მინისტრმა სებასტიან ლეკორნუმ განაცხადა, რომ საფრანგეთის ქალაქებში დაწესებულმა მიზნობრივმა "კომენდანტის საათმა" ხელი შეუწყო იმას, რომ ღამემ მშვიდად ჩაიარა

საფრანგეთის მასშტაბით, დემონსტრანტები ცხოვრებისა და საწვავის ხარჯების ზრდას აპროტესტებენ, რაც სკოლებში უკეთესი პირობების მოთხოვნით დაწყებული სტუდენტური პროტესტის გაგრძელებაა.

მასშტაბურ დემონსტრაციებზე უამრავი ადამიანი დაშავდა. სებასტიან ლეკორნუს განცხადებით, აქციების დაწყებიდან დღემდე 937 პოლიციელი დაშავდა, ფიზიკური დაზიანება მიიღო 248 მოსწავლემ.