ბარაკ ობამა: ამერიკელმა ხალხმა მკაფიო გზავნილი გაგზავნა

აშშ-ის შუალედური არჩევნების წინასწარი პროგნოზების შესახებ, რომლის თანახმადაც, კონგრესის ორივე პალატაზე კონტროლი დემოკრატებმა მოიპოვეს, ქვეყნის ყოფილმა პრეზიდენტმა ბარაკ ობამამ განცხადება გაავრცელა. მისი თქმით, პარტიის დამაჯერებელი გამარჯვება იმის დასტურია, რომ ამერიკელებს რეალური ცვლილებები სურთ.

„ამერიკელმა ხალხმა მკაფიო გზავნილი გაგზავნა - მათ სურთ პოლიტიკა, რომელიც ადამიანებს აერთიანებს და არა ყოფს და ლიდერები, რომლებიც არსებულ გამოწვევებს კონკრეტული გადაწყვეტილებებით პასუხობენ“, - აღნიშნა ობამამ.

მიუხედავად იმისა, რომ მოქმედ ადმინისტრაციას უფლებამოსილების დასრულებამდე კიდევ ორი წელი აქვს დარჩენილი, ყოფილი პრეზიდენტი მიიჩნევს, რომ დემოკრატების მთავარი ამოცანა ახლავე საქმეზე გადასვლაა:

„მართალია, ამ ადმინისტრაციას ხელისუფლებაში კიდევ ორი წელი აქვს დარჩენილი, მაგრამ ახლა ჩვენი ამოცანაა, შევუდგეთ საქმეს, განვახორციელოთ ცვლილებები ყველგან, სადაც ამის შესაძლებლობა გვაქვს, თავიდან ავიცილოთ შემდგომი ზიანი და საფუძველი ჩავუყაროთ მომავალს“.