ევროპაში დივერსიული მუქარების ტალღა 20-ზე მეტ ავიარეისს შეეხო
ევროპის საჰაერო სივრცეში უკვე მესამე დღეა ბომბების შესახებ ცრუ შეტყობინებების მასობრივი ტალღა გრძელდება, რამაც კონტინენტის მასშტაბით 20-ზე მეტი ავიარეისი შეაფერხა.
ნაწილობრივ შეფერხებებთან ერთად, რამდენიმე ქვეყანაში გამანადგურებელი თვითმფრინავების ჰაერში აწევაც გახდა საჭირო. ინციდენტები დაფიქსირდა დანიის, ჩეხეთის, იტალიისა და ფინეთის საჰაერო მიმართულებებზე.
თავდასხმების უკან შესაძლო რუსული კვალი და ჰიბრიდული ომის ელემენტები იკვეთება. ავიაციის უსაფრთხოების ექსპერტებისა და გერმანიის საგარეო საქმეთა სამინისტროს შეფასებით, ევროპის მასშტაბით სამოქალაქო ინფრასტრუქტურაზე განხორციელებული ეს კოორდინირებული ცრუ მუქარები იმ ქვეყნების დესტაბილიზაციას ისახავს მიზნად, რომლებიც უკრაინას სამხედრო და პოლიტიკურ მხარდაჭერას უცხადებენ.
ფორმულა
წყარო: formulanews.ge