
ევროკავშირმა რუსეთის წინააღმდეგ სანქციების სია გააფართოვა
ევროკავშირმა უკრაინის წინააღმდეგ რუსეთის ომის დაფინანსებაში მათი როლის გამო სანქციები დაუწესა 12 ფიზიკურ პირსა და 101 ორგანიზაციას. ამის შესახებ ევროკავშირის საბჭოს პრესსამსახური იუწყება.
სანქციების სიაში მოხვდა 50 რუსული ბანკი და ფინანსური ინსტიტუტი, ასევე ონლაინვაჭრობის კომპანიების - „უაილდბერისისა“ და „ოზონის“ მფლობელები. შეზღუდვები შეეხო რუსეთის ნავთობისა და ენერგეტიკის სექტორს, მათ შორის „ჩრდილოვან ფლოტთან“ დაკავშირებულ კომპანიებს.
გარდა ამისა, ევროკავშირმა სანქციები დაუწესა 30 ფიზიკურ პირსა და ორ ორგანიზაციას, რომლებიც უკრაინისა და ევროკავშირის ქვეყნების წინააღმდეგ პროპაგანდასა და კიბერშეტევებში მონაწილეობენ.
ევროკავშირის განცხადებით, სანქციების მიზანია რუსეთის სამხედრო მოქმედებების დაფინანსების წყაროებისა და ფინანსური არხების შეზღუდვა.
ფორმულა
წყარო: formulanews.ge