მთავარი
ფორმულაწყარო
  1. მთავარი
  2. ფორმულა
  3. POG: ღარიბაშვილის უფლებების შესაძლო დარღვევაზე გამოძიების დაწყების საფუძველი არ არსებობს
POG: ღარიბაშვილის უფლებების შესაძლო დარღვევაზე გამოძიების დაწყების საფუძველი არ არსებობს

POG: ღარიბაშვილის უფლებების შესაძლო დარღვევაზე გამოძიების დაწყების საფუძველი არ არსებობს

ფორმულა|formulanews.ge

საქართველოს პროკურატურის ცნობით, 16 ნოემბერს გამომძიებელი მსჯავრდებულ ირაკლი ღარიბაშვილს შეხვდა და მის მიერ საჯაროდ გაკეთებულ განცხადებაში მითითებული გარემოებების დაზუსტება სცადა, თუმცა ღარიბაშვილმა ინფორმაციის მიწოდებაზე უარი განაცხადა.

უწყების ინფორმაციით, 11 ნოემბერს პროკურატურამ სახალხო დამცველის აპარატიდან მიიღო წერილი, რომელიც ღარიბაშვილის უფლებების შესაძლო დარღვევას შეეხებოდა. წერილს თან ერთვოდა ადვოკატ იოსებ ბარათაშვილის 2 ნოემბრის კომენტარი და თავად ღარიბაშვილის 9 ნოემბრის განცხადება.

პროკურატურის განმარტებით, განცხადებებში მოყვანილი გარემოებები ზოგადი იყო და კონკრეტული დანაშაულის ნიშნებს არ შეიცავდა, რის გამოც გამოძიების დაწყებას სამართლებრივი საფუძველი არ აქვს.

"საქართველოს პროკურატურაში, სახალხო დამცველის აპარატიდან, 2026 წლის 11 ნოემბერს შემოვიდა წერილი, რომელიც მსჯავრდებულ ირაკლი ღარიბაშვილის უფლებების შესაძლო დარღვევის ფაქტს შეეხებოდა.

აღნიშნულ წერილს თან ერთვოდა ელექტრონული ბმულები, რომელთაგან ერთი შეეხებოდა მსჯავრდებულ ირაკლი ღარიბაშვილის კანონიერი ინტერესების დამცველი ადვოკატის - იოსებ ბარათაშვილის მიერ 2 ნოემბერს მედიასთან გაკეთებულ კომენტარს, ირაკლი ღარიბაშვილის უფლებების შესაძლო დარღვევის ფაქტზე გამოძიების დაწყების მოთხოვნით, ხოლო მეორე ირაკლი ღარიბაშვილის მიერ 9 ნოემბერს გაკეთებულ განცხადებას, მის მიმართ განხორციელებული ქმედებების შესახებ, რომელსაც ის მიიჩნევდა არაკანონიერად.

ვინაიდან, მსჯავრდებულ ირაკლი ღარიბაშვილის მიერ საჯაროდ გაცხადებული ინფორმაცია და ზემოაღნიშნულ წერილში მითითებულ ელექტრონულ ბმულებში მოყვანილი გარემოებები იყო ზოგადი და არ შეიცავდა კონკრეტული დანაშაულის ნიშნებს, დღეს, 16 ნოემბერს, ქვემო ქართლის საოლქო პროკურატურის საგამოძიებო სამმართველოს გამომძიებელი, შეხვდა მსჯავრდებულ ირაკლი ღარიბაშვილს, გასაუბრებისა და მის მიერ საჯაროდ გაკეთებული განცხადებაში მითითებული გარემოებების დაზუსტების მიზნით, თუმცა მსჯავრდებულმა ირაკლი ღარიბაშვილმა უარი განაცხადა ინფორმაციის მოწოდებაზე.

ყოველივე ზემოაღნიშნულიდან გამომდინარე, ვინაიდან, ირაკლი ღარიბაშვილისა და მისი კანონიერი ინტერესების დამცველი ადვოკატის საჯარო განცხადებებში მოყვანილი გარემოებები არ შეიცავს დანაშაულის შესახებ კონკრეტულ ინფორმაციას, აღნიშნულის საფუძველზე გამოძიების დაწყება ყოველგვარ სამართლებრივ საფუძვლებს მოკლებულია", - წერია განცხადებაში.

გაზიარება:

ფორმულა

წყარო: formulanews.ge

ორიგინალი სტატია

თემა: გამოძიება

ამ თემას 6 ქართული წყარო აშუქებს — სულ 50 სტატია.

  • პაატა სალია ფეიქრიშვილზე ძალადობის საქმეში ყოფილი მაღალჩინოსნების ბრალეულობაზე: ეს ადამიანები დღეს არ არიან თანამდებობაზე, რათა არ გაჩენილიყო რაიმე კითხვა, ამიტომ გადავეცით ეს საქმე პროკურატურას, რომ გამოძიება ობიექტურად წარიმართოსრუსთავი 2
  • გამოძიების დაწყების საკითხი გადაწყდება ირაკლი ღარიბაშვილთან გასაუბრების შემდეგ - პროკურორიტვ პირველი
  • მალაიზიამ AI ჩიპების შესაძლო რეექსპორტზე Megaspeed-ის შვილობილი კომპანიის გამოძიება დაიწყოBM.GE
  • სკოლაში მე-4 კლასელზე სავარაუდო სექსუალურ ძალადობაზე საუბრობენ – დაწყებულია გამოძიებანეტგაზეთი
გამოძიება →ღარიბაშვილის →

მსგავსი სტატიები

ევროკავშირმა რუსეთის წინააღმდეგ სანქციების სია გააფართოვა

ევროკავშირმა რუსეთის წინააღმდეგ სანქციების სია გააფართოვა

ფორმულა

პროკურატურამ მეტროს ვაგონების რემონტის ტენდერებიდან თანხის მითვისებისთვის 4 პირი დააკავა

პროკურატურამ მეტროს ვაგონების რემონტის ტენდერებიდან თანხის მითვისებისთვის 4 პირი დააკავა

ფორმულა

მიტროპოლიტი იობის შეურაცხყოფისთვის სასამართლომ ლაშა ნაცვლიშვილი 2 500 ლარით დააჯარიმა

მიტროპოლიტი იობის შეურაცხყოფისთვის სასამართლომ ლაშა ნაცვლიშვილი 2 500 ლარით დააჯარიმა

ფორმულა

სახალხო დამცველმა პარტიების აკრძალვის სარჩელზე სასამართლოს მეგობრის მოსაზრება წარადგინა

სახალხო დამცველმა პარტიების აკრძალვის სარჩელზე სასამართლოს მეგობრის მოსაზრება წარადგინა

ფორმულა